Lu Iwẹnna Ọkanẹfan Nin Uwẹ Rẹ Gẹn IJehova

Ibhokhan Izrẹl wo ha mhọn emhin ne bunbun nọn zẹle nin ele da so illo rẹ gẹn iJehova. Jehova hi ọnọn ne ele sibhi otọ Egypt re yẹ hinmhin ele bhi obọ iPharaoh bi eyokhọn nesọle. (Ex 15:​1, 2) Ẹlẹnan nian, Jehova sẹyẹ wo lu emhin esili nin ẹbho nesọle. Be imhan ha rẹ rẹman yẹ ghe emhin nin ọle lu ti mhan bhọ?​—Ps 116:12.

Uwedẹ ọkpa hi, nin mhan rẹ lu iwẹnna ọkanẹfan ọsi uki eso la ọsi ẹghe rebhe. Uwẹ sabọ bhii Jehova nọn re ọne ọkhọle bi ọne ahu nin uwẹ rẹ lu iwẹnna ọkanẹfan. (Php 2:13) Iwẹnna ọkanẹfan ọsi uki eso, ọle ẹbho ne bunbun ka rẹ munhẹn. Bhi uki ọsi March, April, bi uki nin ọfẹotughe rẹ dọ fẹ agbotu nin uwẹ ye ghe, uwẹ dẹ sabọ zẹ nin uwẹ rẹ noo uriagogo 30 la 50 rẹ lu iwẹnna ọkanẹfan ọsi uki eso. Uwẹ ha dọnmhẹn iwẹnna ọkanẹfan ọsi uki eso nin uwẹ daghe eghọnghọn nọn ribhọ, ọ sabọ re uwẹ ha mhọn ọne ọhubhudu nin uwẹ rẹ lu iwẹnna ọkanẹfan ọsi ẹghe rebhe. Ibhio mhan eso ne re ẹdẹ iMonday rẹ sẹbhi Friday wẹnna, bi eso nin egbe bha sasa fo nọnsẹn bhọ sabọ lu iwẹnna ọkanẹfan ọsi ẹghe rebhe. (mwb16.07 8) Bhi ọsi ẹmhọanta, Jehova sẹ Osẹ nin mhan ha gẹn. Emhin nọn irẹ khin nin mhan lu nin mhan rẹ gẹn ọlẹn, ọ bha kpọnọ gbe!​—1Ch 16:25.

GHE ỌNE IVIDIO NATIỌLE IBHIO EA NE RIBHI MONGOLIA. BHA HA KI GHE ỌLE FO, WANNIẸN ENE INỌNTA NAN:

• 

  Ọnọghọ nela ene ibhio ea ha mhọnlẹn? Emhin nela ele lu nin ele da sabọ lu iwẹnna ọkanẹfan?

• 

  Elele nela ele miẹn?

• 

  Isẹhoa ebhebhe nela tuje a nin ele ranmhude ele lu iwẹnna ọkanẹfan?

• 

  Be ijiẹmhin nọnsele rẹ rẹso ẹbho ebhebhe yẹ?