UNYẸNMHIN NỌN KHẸKE ENE RẸKHAN JESU
Yere Rẹ ha Nan Erọnmhọn nin Ibhio Mhan ne Ribhi Ekpokpo
IBaibo ka tale ghe Esu dẹ si ekpokpo ji mhan nin ọle rẹ dọn mhan odẹ bhi iwẹnna oga nọnsẹmhan. (Joh 15:20; Re 12:17) Uwedẹ nela mhan arẹ sabọ rẹkpa ibhio mhan ne ribhi ekpokpo bhi agbaẹbho ebhebhe? Mhan dẹ sabọ nan erọnmhọn nin ele. ‘Erọnmhọn ọsi ọria nọn khiale manman mhọn ahu.’—Jas 5:16.
Bebhọ mhan ha bhii ji Jehova? Mhan sabọ bhii Jehova nọn re izebhudu nin ibhio mhan nin ele hẹi ha mun ofẹn. (Isa 41:10-13) Mhan sabọ yẹ bhii nin ene gbẹloghe ha re ẹlo esili rẹ ghe iwẹnna itẹmhọn Osẹnobulua nọnsẹmhan, ‘nin mhan da sabọ ha nyẹnlẹn bhi ọfure.’—1Ti 2:1, 2.
Ẹghe nin ẹbho rẹ ha kpokpo iPọlu bi Pita, agbotu iKristian ọsi ẹghenin da ha nan erọnmhọn nin ele. Ele da ha sunun bhi elin ele bhi ọne erọnmhọn. (Ac 12:5; Ro 15:30, 31) Arẹmiẹn mhan bha lẹn elin ọsi ibhio mhan rebhe nan kpokpo ẹlẹnan, mhan sabọ sunun bhi elin ọsi agbotu la agbaẹbho nin ele ye.