RE ẸBHO KIẸN EDIBO
ILUẸMHIN 12
Hẹi Ji Ofẹn Mun Uwẹ
Ebi Baibo Ta Yẹ: “Abhi bi emhin nọn vin-ohin re ọkhọle ọsi ọria ghọnghọn. Iriọ yẹ hi ọmọẹ ọsaje, nọn rẹ ẹkẹata re ibhude nin ọria.”—Prov. 27:9.
Ijiẹmhin Ọsi Jesu
1. Ghe ọne IVIDIO, la uwẹ ha tie Mak 10:17-22. Uwẹ ha lu iriọ fo, re ewanniẹn ọbhi ene inọnta ne ribhi otọle:
Be hi emhin esili nin Jesu daghe bhi egbe ọne okpea?
Bezẹle nọn da khẹke nin Jesu re oyẹẹ bi izebhudu rẹ re ibhude nin ọne okpea nan?
Be Imhan Luẹ Bhi Obọ Jesu?
2. Ọkhẹke nin mhan gbotọle fanọn an man ọria nin mhan man ọlẹn Baibo, ebi ọle ha lu nin ọle da sabọ ha lu re alo bhi oga nọnsi Jehova. Ọkpakinọn, ọkhẹke nin mhan re oyẹẹ lu ọle.
Ebi Mhan Ha Rẹ Re Egbe Khọkhọ Jesu Yẹ
3. Rẹkpa ọria nin uwẹ man ọlẹn Baibo rẹ mhanmhan emhin kẹkẹ nin ọle ha sabọ lu, uwẹ ha yẹ rẹkpa ọle rẹ mun ele sẹ.
Noo obọ natiọle “Lu Ọnan,” nọn ribhi ebe natiọle Sọnyẹnmhẹn bhi Ighegheghe!
Rẹkpa ọria nin uwẹ man ọlẹn Baibo rẹ lẹn emhin kẹkẹ nin ọle ha lu nin ọle rẹ sabọ mun emhanmhan nin ọle khu ọi sẹ.
Wo ha gẹn ọlẹn beji ọle rẹ lu re alo.
4. Ọkhẹke nin uwẹ lẹn emhin ne ha sabọ re ọne ọria miẹn ghe ọle bha lu re alo, uwẹ ha rẹkpa ọle rẹ khọn ene ọnọghọ.
Nọọn egbe ẹ ene inọnta nan:
‘Bezẹle nin ọria nin mẹn man ọlẹn Baibo ida lu re alo beji ọle ha da sẹ ọnọn ha mianmẹn? Be de ọle idobolo?’
‘Be imẹn ha lu nin mẹn rẹ rẹkpa ọle?’
Bhii Jehova nọn re izebhudu nin uwẹ rẹ ne ọne ọria zilo emhin nọn khẹke nin ọle lu, beji ọle ha da sabọ ha lu re alo, yẹ bhii ọle nọn rẹkpa uwẹ rẹ re oyẹẹ lu ọle.
5. Ahamiẹn ọne ọria bha muegbe nin ọle rẹ lu re alo, zobọ bhi Baibo nin uwẹ deba ọle luẹ.
Nin uwẹ rẹ lẹn si ọria nin uwẹ man ọlẹn Baibo lu re alo, nọọn egbe ẹ ene inọnta nan:
‘Ọne ọria be re obọ rẹkhan emhin nin ọle luẹ?’
‘Ọle be yo ikolo oga, yẹ taman ẹbho emhin nin ọle luẹ bhi Baibo?’
‘Ahamiẹn ọ bue nin ọle mọn da luẹ Baibo, ọle be muegbe nin ọle rẹ kiẹn ọkpa bhi Esali Jehova?’
Ahamiẹn ọria nin uwẹ man ọlẹn Baibo bha muegbe nin ọle rẹ lu re alo:
Taman ọlẹn nin ọle ria eria nyan ebezẹle nin ọle ida lu re alo.
Re ekpẹn-ekpẹn taman ọlẹn ebezẹle nin uwẹ da ho nin uwẹ zobọ bhi Baibo nin uwẹ deba ọle luẹ.
Taman ọlẹn ebe khẹke nin ọle lu sade ọle guanọ nin bha kie munhẹn ha luẹ Baibo.
YẸ FẸ ENE BAIBO NAN GHE
Ps. 141:5; Prov. 25:12; 27:6; 1 Kọr. 9:26; Kol. 4:5, 6