Ha Mhọn Ifuẹkẹ

Ijiẹmhin Ọsi Jesu

IVIDIO: Jesu Da Taan Ọruẹlo Ẹlo A

1. Ghe ọne IVIDIO, la uwẹ ha tie Jọni 9:1-7. Uwẹ ha lu iriọ fo, re ewanniẹn ọbhi ene inọnta ne ribhi otọle.

1. Be Jesu ka lu? Ẹmhọn Osẹnobulua ọle be ka taman ọne ọruẹlo, la egbe ọ be ka rẹ daan ọlẹn?—Fẹ Jọni 9:35-38 ghe.

2. Be uwẹ riale ọ zẹle nin ọne okpea da muegbe nin ọle rẹ ka Jesu ehọ?

Be Imhan Luẹ Bhi Obọ Jesu?

2. Ọria ha daghe ọle ghe ẹmhọn ọlẹn rẹtẹ mhan, ọnan sabọ re ọle ha yẹẹ ọne ọria rẹ re ehọ ọbhi uhọnmhunje nin mhan wewe.

Ebi Mhan Ha Rẹ Re Egbe Khọkhọ Jesu Yẹ

3. Ha mhọn ariajegbe. Dọnmhegbe ria ẹmhọn ebi emhin dia ọle yẹ bhi egbe.

1. Nin uwẹ rẹ sabọ lu ọnan, nọọn egbe ẹ ene inọnta nan: ‘Be ha sabọ ha kpokpo ọle bhi ọkhọle?’ Uhọnmhọn-ọta nela ha ti ọle bhọ yẹ rẹkpa ọle? Uwẹ ha lu iriọ, uwẹ ki sabọ re ifuẹkẹ ọsaje man ọlẹn.

2. Ha ka ọne ọria ehọ. Uwẹ ha lu iriọ, ọne ọria ki lẹn ghe, emhin ne rẹtẹ ọle yẹ rẹtẹ uwẹ. Ahamiẹn ọle taman uwẹ ebe emhin dia ọle yẹ bhi egbe, la ọnọghọ nin ọle ye, hẹi ta ọta rẹ gue ọle.

4. Re ifuẹkẹ bi ekpẹn rẹ ne ọne ọria talọ. Ahamiẹn ẹmhọn ọne ọria rẹtẹ uwẹ, sẹyẹ, uwẹ da gene ha guanọ nin uwẹ rẹkpa ọle, uwedẹ nin uwẹ ha rẹ ha nanlẹn talọ dẹ rẹ ọle man. Re ẹwanlẹn rẹ ne ọne ọria ha talọ. Yẹ re urulu nọn lọre rẹ nanlẹn talọ. Hẹi ta ebe ha rẹ ẹkẹ khọ ọle.

5. Rẹkpa ọle. Guanọ ebi uwẹ ha lu nin uwẹ rẹ rẹkpa ọne ọria. Ahamiẹn mhan re ifuẹkẹ man ọria, ọne ọria sabọ rẹ re otọ nin mhan rẹ nanlẹn zilo.