Ebi A Ha Luẹ Bhi Obọle Nọnzi 11

Emhin ne sunu bhi obọ Baibo nan re urolo Grik gbẹn, ọle a tẹmhọnlẹn bhi ọne obọle nan. Okhuo bi ọdo ọkpa ne yi ibhioguele, ne nyẹnlẹn obhi agbaẹbho ọkpa biẹ Jesu. Jesu da deba aba ọle ha lu iwẹnna kapẹnta. Jesu hi ọnọn ha miẹn ọrebhe fan. Ọle Jehova zẹ nọn ha yi Ojie ọsi Agbejele nọn ribhi okhun. Ahamiẹn aba la inẹn uwẹ khin, rẹkpa ọmọn nọnsẹ rẹ lẹn ebi Jehova rẹ gbẹlokotọ zẹ azagba-uwa nan ha da biẹ Jesu yẹ, bi eji ọle ha da wanre. Re otọle man ebi Jehova rẹ gbega Jesu yẹ bhi obọ Hẹrọd nọn rẹ ha guanọ nin ọle gbe Jesu a, sẹyẹ, rẹman ghe, emhin i ribhọ nọn ha mun Jehova mhọn rẹ mun iho nọnsọle sẹ. Luẹ ẹmhọn ebi Jehova rẹ noo Jọni yẹ rẹ hẹnhẹn uwedẹ khẹ Jesu. Re otọle man ebi Jesu rẹ rẹman yẹ ghe, rẹ na bhi egbe obhokhan, ọle rẹ hoẹmhọn ẹwanlẹn nọn na obọ Jehova vae.