Ebi A Ha Luẹ Bhi Obọle Nọnzi 8

Jehova da re ẹwanlẹn nin Solomọn yẹ re ọne isẹhoa nanlẹn rẹ bọn uwa oga. Ọkpakinọn, khere-khere Solomọn bha yẹ ha ga Jehova. Ahamiẹn aba la inẹn uwẹ khin, gbotọle fanọn an man ọmọn nọnsẹ ebi ẹbho ne i ga Osẹnobulua rẹ re Solomọn zẹ Jehova obọ yẹ. A da wa ọne ejele a, sẹyẹ, ene ijie ne i mhẹn ne ha gbẹloghe da ha man ene ẹbho iman-emhin ohoghe yẹ si ele ọbhi igẹbọ. Bhi ọne ẹghe nan, a da ha kpokpo ene akhasẹ ne sun rẹkhan Jehova yẹ gbono eso a. Jezibẹl nin esọn da manman si ibhokhan Izrẹl ne ribhi obọ ọsi nọt ọbhi igẹbọ. Emhin bha zẹwẹ lẹkhẹ bhi otọ Izrẹl bhi ọne ẹghe nan. Ọrẹyiriọ, ẹbho ne bunbun ne ga Jehova da yẹ ha ribhi otọ Izrẹl. Eso bhi ẹwẹ ele hi, Jehoshafat nin Ojie bi Ẹlaija nin akhasẹ.