Uhọnmhunje Nọn Ribhi Baibo

Ukpe 4026 B.C.E. gbera fo

“Ọne ẹnyẹn” da yọle ghe, uwedẹ nin Jehova rẹ gbẹloghe imhẹn. Ọ da yẹ yọle ghe ọ iyi ọle khẹke nọn ha gbẹloghe. Jehova da yọle ghe, a dẹ biẹ ọmọn nọn ha gbe ọne ẹnyẹn khuelo. Esu hi ọne ẹnyẹn. (Genesis 3:1-5, 15) Sokpan, ọ kuẹ sẹ ọne ẹghe nin, Jehova dẹ ka re otọ nin eria rẹ re egbe ele khian bhi odotọ ugbẹloghe ọsi Esu.

1943 B.C.E.

Jehova da ve nin Ebraham ghe, ọne “ọmọn” nan vivọle dẹ nabhi ulin-uwa nọnsọle vae.—Genesis 22:18.

Ukpe 1070 B.C.E. gbera fo

Jehova da yẹ taman Devid nin Ojie bi Solomọn nin ọmọn nọnsọle ghe, ọne “ọmọn” nan vivọle dẹ na bhi ulin-uwa nọnsele vae.—2 Samuel 7:12, 16; 1 Kings 9:3-5; Isaiah 9:6, 7.

29 C.E.

Jehova da rẹman ghe, Jesu hi ọne “ọmọn” nan vivọle nọn ha dotua bhi ojukhuo nọnsi Devid.—Galesha 3:16; Luk 1:31-33; 3:21, 22.

33 C.E.

Esu nin ọne ẹnyẹn da kuan ọne “ọmọn” bhi oẹ ẹghe nan rẹ gbe Jesu a. Jehova da riọ Jesu kpanọ bhi uu yẹ re ọle ha khian okhun. Ọle da miẹn izọese nin Jesu re iẹnlẹn nọnsele lu ọbhi egbe. Ọne izọese nan zẹle nin Osẹnobulua da rẹhunmhan olukhọ nọnsẹmhan. Ọle yẹ zẹ nin mhan ha da sabọ miẹn iẹnlẹn ọsi ighegheghe.—Genesis 3:15; Iwẹnna 2:32-36; 1 Kọrint 15:21, 22.

Egbẹghe 1914 C.E.

Jesu da khu Esu vae bhi ọne otọ nan. Obhi ẹghe khere Esu ha gbe bhi ọne otọ nan.—Arẹman 12:7-9, 12.

Ẹghe Odalo

Jesu da mun Esu khue bhi ikpe 1,000. Ọnin ki gbera, Jesu da gbe ọle khuelo. Inian ọle rẹ guọghọ Esu uhọnmhọn an. Bhi ọne ẹghe nan, iho nọnsi Osẹnobulua rẹji ọne otọ nan bi rẹji eria ki munsẹ. Osẹnobulua ki kpe elin nọnsọle khia. Sẹyẹ, ọ ki khia bhi ẹlo ọsi ọrebhe ghe, ọle hi ọnọn khẹke nọn ha gbẹloghe.—Arẹman 20:1-3, 10; 21:3, 4.