Judges
3 Ibhokhan Izrẹl da so tie iJehova, ranmhude, Ja′bin mhọn awẹnẹwẹnẹ 900 ọsi okhọnlẹn ne mhọn ọghae nan re ẹlọnmhọn lu. Sẹyẹ, ọle da wo ha re obọ oya mun ibhokhan Izrẹl rẹ nabhi ikpe 20. 4 Deb′o·rah nin akhasẹ, nin okhuo iLap′pi·doth, ọle ha bhohiẹn nin Izrẹl bhi ọne ẹghenin. 5 Ọle wo ha dotua bhi otọ oran udin ọsi Deb′o·rah nọn ribhi adesẹ Ra′mah bi Beth′el bhi eji oke ye bhi otọ E′phra·im; ibhokhan Izrẹl ki ha bu ọle yo dọ ha guẹzọ bhi enin 6 Ọle da je nan tie iBa′rak nin ọmọn nọnsi A·bin′o·am nọn ribhi Ke′desh-naph′ta·li vae, ọle da taman ọlẹn yọle: “Jehova nin Osẹnobulua ọsi Izrẹl bha be gbe ọne uhi? Ọle yọle, ‘Dọ ha khian Oke ọsi Ta′bor, uwẹ ha yẹ ne ikpea ne bun sẹbhi 10,000 bhi ulin-uwa ọsi Naph′ta·li bi Zeb′u·lun rẹkhan egbe. 7 Mẹn dẹ mun Sis′e·ra nin ọdiọn eyokhọnlẹn nesi Ja′bin ji uwẹ bhi ẹdẹ iKi′shon, ọle bi awẹnẹwẹnẹ ọsi okhọnlẹn bi eyokhọnlẹn nesọle. Bhiriọ, mẹn ki rẹkpa uwẹ rẹ khọn ọlẹn miotọ.’” 9 Ọle da wanniẹn ọlẹn yọle: “Imẹn dẹ gene rẹkhan uwẹ yo. Sokpan, ọne okhọnlẹn nan i da re uyi ji uwẹ, ranmhude, okhuo Jehova ha noo rẹ gbe Sisera a.” Bhiriọ, Dẹbora da kpanọ rẹkhan Berak ha khian Kedẹsh. 14 Debʹo·rah ki da taman Baʹrak: “Kpanọ, ranmhude ẹlẹnan hi ọne ẹdẹ nin Jehova ha re iSisʹe·ra uwẹ bhi obọ. Ọ iyi Jehova be ke odalo nin uwẹ?” Bhiriọ, Baʹrak da huẹnre bhi uki oke ọsi Taʹbor, ọle bi ikpea ne bun sẹbhi 10,000 ne rẹkhan ọlẹn. 16 Ba′rak da khu rẹkhan ene awẹnẹwẹnẹ nan rẹ yo okhọnlẹn bi ene eyokhọnlẹn rẹ dọ sẹbhi Ha·ro′sheth ọsi ene agbaẹbho. Bhiriọ, a da re agbada gbono eyokhọnlẹn nesi Sis′e·ra rebhe a, ọria soso bha kẹre bhi ẹwẹ ele. 17 Ọkpakinọn, Sis′e·ra da re oẹ nẹ diọbhi ibọkpọ ọsi Ja′el nin okhuo iHe′ber nin Ken′ite, ranmhude ọfure ha ribhi ẹwẹ iJa′bin nin ojie ọsi Ha′zor bi azagba-uwa ọsi He′ber nin Ken′ite 21 Sokpan, Ja′el nin okhuo iHe′ber da re ise nan rẹ khan ibọkpọ, bi umọnmọn mhọn bhi obọ. Ẹghe nin ọle ki rẹ manman ha wẹ dinmhin, ọle da do khian bu ọle, ji ọne ise ọle bhi uhọnmhọn yẹ khan ọlẹn mun otọ, bhiriọ, ọle da yu. 22 Berak da khu rẹkhan Sisera. Jeẹl da dagbare bu ọle yẹ yọle: “Vae dọ ghe ọne okpia nin uwẹ guanọ.” Ọle da rẹkhan ọlẹn. Ọle da kere ghe Sisera yu ọbhi otọ, sẹyẹ, a khan udede ise ọle bhi uhọnmhọn.