Malachi
13 “Emhin ọbhebhe ribhọ nin bha lu nin bha rẹ re amẹn-eviẹ, eviẹ bi akhiẹ rẹ gba ije rebhe bhi ukhuo izọẹse nọnsi Jehova, ranmhude ọnan, ọle iyẹ fi ehọ ọbhi izọẹse nọnsẹbha, ọle iyẹ re ẹlo esili ghe emhin soso nin bha rẹ lu ẹse nan ọlẹn. 14 Bha da yọle, ‘Be bhọ ki zẹ?’ Ranmhude iJehova sọsali nin uwẹ bi okhuo nọnsẹ nin uwẹ re egbe usẹn re, uwẹ da ha re obọ oya mun ọlẹn, arẹmiẹn ọle hi okhuo nin uwẹ bi ọle ko ve ive. 15 Ọkpakinọn, ọria ọkpa ribhọ nọn bha lu iriọ, ranmhude ahu ẹlinmhin nọn khiale yẹ deba ọle dia. Be bhọ ọne ọria nin ha guanọ? Ọmọn nọnsi Osẹnobulua. Bhiriọ ha mun egbe nọnsẹ mhọn nọnsẹn, hẹi ha rẹ obọ oya mun okhuo ẹ nin uwẹ re egbe usẹn re.” 16 Inian iJehova nin Osẹnobulua ọsi Izrẹl tale: “Isọebea sọnọn mẹn,” iJehova nọn nyan eyokulo da yẹ yọle: “Mhẹn sẹyẹ he ọria nọn re okhọnlẹn ria egbe a beji itọn rẹ ria ukpọn a.” “Bhiriọ, mun egbe nọnsẹ mhọn nọnsẹn, hẹi iyẹ ha rẹ obọ oya mun okhuo ẹ.