Zechariah

6 Bhiriọ mhẹn da nọọn yọle: “Be ọ khin?” Ọ da yọle: “Uko eʹphah nan mun khian khọnan.” Ọ da yẹ yọle: “Iriọ ele dia bhi otọ agbọn rebhe.” 7 Mhẹn da yẹ daghe ghe a tuje ugue ọle a, okhuo ọkpa da dotọa bhi ẹkẹ ọne uko. 8 Ọ da yọle: “Olukhọ khọnan.” Bhiriọ ọ da sua ọne okhuo fi ọbhi ẹkẹ ọne uko eʹphah, ọ da yẹ mun ọne ugue nan re ilead lu rẹ gue unun ọsi ọne uko. 9 Mhẹn ki ghe okhun, I da daghe ikhuo eva vade, ele da tin bhi ahoho. Igẹn nọnsele dia­be igẹn ọsi afianmhẹn natiọle stork. Ele da tọn ọne uko mun okhun. 10 Mhẹn da ki nọọn ọne ẹhi nọn ha ne mhẹn talọ yọle: “Ejela ele ki mun ọne uko eʹphah khian?” 11 Ọ da wanniẹn mhẹn yọle: “Otọ iShiʹnar, nin ele dọ bọn uwa nanlẹn bhi enin; ele ha ki bọnlẹn fo, ele ki mun ọlẹn ọbhi enin, bhi ije khẹke ọle.”