Leviticus

11 “‘Ejayenan nian, ọnan hi uhi ọsi izọese ọsi ọfure nin ọria ha sabọ zẹ ji Jehova: 12 Ahamiẹn ghe ekhuẹnmhẹn ọle guanọ nin ọle re ọle lu, ọle ki ne ene emhin nan ba ọne izọese ọsi ekhuẹnmhẹn: Ibrẹdi nọn ihuẹ ne dia kholobo, nan re abhii gua, ekala nọn ihuẹ nan re abhii gbo, bi brẹdi ne dia kholobo nan re flour nan nọ sun lu, nan manman re abhii gua nọnsẹn. 13 Ọle ki ne ibrẹdi nọn huẹ ne dia kholobo bi izọese ọsi ekhuẹnmhẹn nin ọle ha rẹ lu izọese ọsi ọfure ba izọese nin ọle ha lu. 14 Ọle ki ne ọkpa-ọkpa bhi ene izọese rẹ guẹ nin Jehova; ọ ki ha yi ọsi ọne ohẹn nọn khakha aranlẹn ọsi ọne izọese ọsi ọfure. 15 Ọne ukpẹdẹ nin ọle rẹ lu izọese, ọle a ha rẹ le ọne efun ọsi ọne elanmhẹn izọese ọsi ekhuẹnmhẹn nan rẹ lu izọese ọsi ọfure. Ọle ida mun ọsoso ya sẹ ẹdẹ we. 20 “‘Ọkpakinọn, ọria nọn hi ki rẹ khin nọn bha khia nọn le ọne efun ọsi ọne elanmhẹn nan rẹ lu izọese ọsi ọfure ji Jehova, a ki gbe ọle a.