Exodus

11 Jehova da ne Moses talọ ghe-mẹn ghe-uwẹ, beji ikpea eva rẹ ne egbe talọ. Ọle ha fikie ha khian eji ele da mun ag̣ọ, Joshua nin ọmọn nọnsi Nun, nọn ha yi ọguọmhandia nọnsọle, ida sibhi ẹkẹ ọne ibọkpọ re. 13 Huẹan, ahamiẹn ọria nin uwẹ re ẹlo esili ghe mẹn khin, rẹkpa mẹn rẹ lẹn uwedẹ nesẹ, beji mẹn ha da sabọ lẹn uwẹ, yẹ wo ha yi ọria nin uwẹ re ẹlo esili rẹ ghe. Yẹ yere ghe ẹbho nesẹ ọne agbaẹbho nan khin.” 17 Jehova da taman iMoses yọle: “Ọne emhin nan nin uwẹ bhii mẹn nin mẹn lu, mẹn dẹ lu ọle, ranmhude, ọria nin mẹn re ẹlo esili ghe uwẹ khin. Seyẹ, mẹn lẹn elin ẹn.” 20 Sokpan, ọle da yẹ taman ọlẹn yọle: “Uwẹ ida sabọ daghe ẹlo nọnsẹmhẹn, ranmhude ọria soso iribhọ nọn ha sabọ daghe mẹn yẹ ha nyẹnlẹn.”