Exodus
32 Bhi ọne ẹghe nin, ene ẹbho da kere ghe, Moses bue gbe nin ọle rẹ huẹnre bhi ọne oke. Bhiriọ, ene ẹbho da tu gaga Aaron ha taman ọlẹn yọle: “Kpanọ, man osẹ nin mhan nọn ha kalo nin mhan, ranmhude mhan bha lẹn ebe ki sunu ji ọne Moses nan, ọne okpea nọn sun mhan sibhi otọ Egypt re.” 2 Bhiriọ, Aaron da taman ele yọle: “Bha ne ene emhin ehọ nan re igolu lu ne ribhi ehọ ọsi ikhuo bha, imọn ikpea nesẹbha bi imọn ikhuo nesẹbha ji mẹn.” 3 Ele rebhe da ha ne emhin ehọ nan re igolu lu nọn ribhi ehọ nọnsele ji Aaron. 4 Bhiriọ, ọle da miẹn ele ene igolu, ọle da manlẹn, re emhin kanọ ọlẹn kiẹn obhi ẹmena. Ele da ha yọle: “Ọnan hi Osẹnobulua nọnsẹbha ibhokhan Izrẹl, nọn sun bha sibhi otọ Egypt re.” 5 Aaron ki daghe ọnan, ọle da bọn ukhuo-izọese ọbhi odalo ọle. Aaron da ki taan unun an yọle: “Iluemhin ribhọ rẹji Jehova ewiẹ.” 6 Bhiriọ, bhi ukpẹdẹ nọn rẹkhan ọlẹn, ele da riọkpanọ ọsewewiẹ bhibhi, ele da munhẹn ha zọese nan tuẹ a, bi ọnan kugbe zẹ. Ọnan ki gbera, ene ẹbho da dotua ha da yẹ le. Ele da kpanọ ha duje. 7 Jehova ki da taman Moses yọle: “Ha khian, huẹnre, ranmhude ẹbho nesẹ, nin uwẹ ne sibhi otọ Egypt re riia egbe ele a. 8 Ele je wo re ẹjẹje sibhi uwedẹ nin mẹn rẹ gbe uhi nin ele re. Ele man amanzẹ ọsi obhi ẹmena nin egbe ele, ele wo ha deuhọnmhọnre nanlẹn, sẹyẹ ha zọese nanlẹn yẹ yọle, ‘Ọnan hi Osẹnobulua nọnsẹbha ibhokhan Izrẹl, nọn sun bha sibhi otọ Egypt re.’” 9 Jehova da sẹyẹ taman iMoses yọle: “Mẹn ki dọ kere ghe ene ẹbho nan wo bhi uhọnmhọn. 10 Bhiriọ, zẹ imẹn obọ nin mẹn da re ukpohu nọnsẹmhẹn rẹ fuẹn ele a, mẹn ki re uwẹ kiẹn agbaẹbho nọn khua nin ele ha rẹ kiẹn.” 11 Bhiriọ, Moses da ha bhii Jehova nin Osẹnobulua nọnsọle yọle: “Eo iJehova, be bhọ zẹle nin uwẹ ha da denin ukpohu nọnsẹ da ẹbho nesẹ yẹ, beji uwẹ ki noo ahu nọnsẹ bi obọ nọn khua nọnsẹ rẹ ne ele sibhi otọ Ijipti re fo? 12 Bezẹle nin ibhokhan Egypt a ki da ha yọle, “Emhanmhan ọbe nin ọle ha mhọn bhi ọkhọle re ọle ne ele kpanọ. Ọle ho nin ọle gboni ele a bhi ukoke ye gbo ele sibhi ọne uki otọ nan re”? Fi ukpohu nọnsẹ denọ, uwẹ ha ria ebi uwẹ ha rẹ fi ọne emhanmhan nan denọ yẹ. 13 Ye Abraham, Isaac bi Izrẹl nin eguọmhandia nẹsẹ re, nin uwẹ tobọẹ vive nan, yọle: ‘Mẹn dẹ ri imọn nesẹ bun bii ahiẹnhiẹn ne ribhi okhun. Mẹn ki mun ọne otọ nan nin mẹn zẹ khẹ imọn nesẹ nin ele, nọn ha yi ọsi ele rẹ ha khian.’” 14 Bhiriọ, Jehova da ha ria eria nyan ọkakale nin ọle rẹ ta ghe ọle dẹ si ji ẹbho nesọle, nin ọle rẹ fi ọ denọ. 32 Bhi ejayenan nian, huẹan, sade ọ ghọn uwẹ, rẹhunmhan olukhọ nọnsele. Sade ọ iki yiriọ, gbo elin mẹn sibhi ebe nọnsẹ nin uwẹ gbẹn re.” 33 Ọkpakinọn, Jehova da taman iMoses: “Ọnọn iki rẹ ha khin nọn lu emhin ebe da mẹn, mẹn ki gbo elin nọnsọle sibhi ebe nọnsẹmhẹn re.