Exodus

10 “Uwẹ ki mun ọne ogho-ẹmena vae bhi odalo ibọkpọ ọsi oga. Aaron bi imọn nesọle ki ne obọ nọnsele nyan uhọnmhọn ọsi ọne ogho-ẹmena. 31 “Uwẹ ki mun ọne oghohuan nan rẹ re ele kiẹn ohẹn, yẹ nyẹn elanmhẹn ọlẹn bhi eje khiale. 32 Aaron bi imọn ikpea nesọle ki le elanmhẹn ọsi ọne oghohuan, bi brẹdi ne ribhi ẹkẹ ọne okhuale, bhi unuro ọsi ibọkpọ ọsi oga. 33 Ele ki le ene emhin nan rẹ zọese rẹ kpe ele khia yẹ re ele kiẹn ohẹn. Sokpan, ọria nan bha zẹ ida sabọ le ele, ranmhude, emhin ne khiale ene emhin khin. 34 Ahamiẹn elanmhẹn ọsi ọne oghohuan nan rẹ zọese rẹ re ele kiẹn ohẹn bi ọne ibrẹdi gbe ẹdẹwe, uwẹ ki tuẹ ọle a bhi eranlẹn. Ọria ida le ọle, ranmhude emhin nọn khiale nọn. 35 “Ọnan hi emhin nin uwẹ ha lu bhi egbe Aaron bi imọn ikpea nesọle. Uwẹ dẹ lu ene emhin rebhe beji mẹn rẹ taman uwẹ. Ikpẹdẹ ihinlọn uwẹ ha rẹ lu iluemhin nin uwẹ ha rẹ re ele kiẹn ohẹn. 36 Ukpẹdẹ-ukpẹdẹ, uwẹ ki re ogho-ẹmena nan rẹ zọese ọbhi olukho rẹ ze. Uwẹ ki zọese ọbhi ọne ukhuo-izọese nin uwẹ rẹ kpe olukhọ sibhọre. Uwẹ ki yẹ sa abhii nyan ọlẹn rẹ kpe ọle khia. 37 Ikpẹdẹ ihinlọn uwẹ ha rẹ zọese ọbhi ọne ukhuo-izọese, uwẹ ki kpe ọle khia beji ọ ha da kiẹn ukhuo-izọese nọn manman khia. Ọria nọn khiale ọkpa ha sabọ re obọ so ọne ukhuo-izọese. 38 “Ọnan hi emhin nin uwẹ ha rẹ ze bhi uke ọne ukhuo-izọese: ukpẹdẹ-ukpẹdẹ, uwẹ ki re oghohuan eva ọsi ukpe ọkpa rẹ ze. 39 Uwẹ ki re oghohuan ọkpa rẹ ze ọsewewiẹ, yẹ re ọnọnkẹle ze bhi ọsemuan. 40 Ene emhin nan uwẹ ha rẹ zọese deba ọne oghohuan nin ọhẹnhẹn: Obọ ọkpa bhi igbe bhi ukpu eʹphah ọsi emhin nan rẹ lu ibrẹdi, nan re obọ ọkpa bhi enẹn bhi ọgọ hin ọsi abhii rẹ fun kugbe, bi obọ ọkpa bhi enẹn bhi ọgọ hin ọsi anyọn, nan ha rẹ lu izọese ọsi anyọn. 41 Uwẹ ki re oghohuan nin ọzeva rẹ zọese bhi ọsemuan. Uwẹ ha yẹ ne ebale bi anyọn ba ọle beji uwẹ rẹ ne ba oghohuan nin uwẹ rẹ ze bhi ọsewewiẹ. Uwẹ ki re ele ze nọn ha yi emhin nọn vin ohin nan re eranlẹn ze ji Jehova. 42 Ọ dẹ ha yi izọese nan tuẹ a, nin bha da ha lu bhi ore nọnsẹbha rebhe bhi unuro ibọkpọ ọsi oga, bhi odalo iJehova, bhi eji mẹn ha da re egbe man bha yẹ ne uwẹ talọ. 43 “Enin mẹn ha da re egbe mẹn man ibhokhan Izrẹl. Uyi nọnsẹmhẹn ki kpe enin khia. 44 Mẹn ki kpe ọne ibọkpọ ọsi oga bi ọne ukhuo-izọese khia. Mẹn ki yẹ kpe Aaron bi imọn ikpea nesọle khia beji ele ha da ha yi ohẹn nesẹmhẹn. 45 Mẹn ki ha ribhi ẹwẹ ibhokhan Izrẹl. Mẹn ki ha yi Osẹnobulua nọnsele. 46 Ele ki gene dọ lẹn ghe imẹn hi Jehova nin Osẹnobulua nọnsele nọn ne ele sibhi otọ Egypt re, nin mẹn da sabọ ha ribhi ẹwẹ ele. Mẹn hi Jehova nin Osẹnobulua nọnsele.