Exodus

17 Aba okhuo iMoses da taman ọlẹn yọle: “Ebi uwẹ lu nan imhẹn. 18 Egbe dẹ lọ uwẹ, uwẹ bi ene ẹbho nan ne deba uwẹ, ranmhude, ọne ihẹ nan kpọnọ nẹ uwẹ gbe. Uwẹ ọkpa ida sabọ mun ọlẹn. 21 Sokpan, hanọn ikpea ne sabọ miẹnsọn nọnsẹn bhi ẹwẹ ene ẹbho nan, ikpea ne mun ofẹn Osẹnobulua, ikpea nan gba ẹkẹ ele, ne ilu eku. Ne ele ọbhi ihe ne ha yi ekhaẹmhọn bhi egbe itue uli, ekhaẹmhọn bhi egbe itue iyisẹn, ekhaẹmhọn bhi egbe itue igbe nyan egbọ-eva, bi ekhaẹmhọn bhi egbe itue igbe. 22 Ele ki ha bhohiẹn ene ẹbho sade ẹmhọn ze­gbere. Ẹmhọn nọn bha ji ele bhu, ele ki mun bu uwẹ re. Sokpan, ele ki ha bhohiẹn ẹmhọn nọn lẹkhẹ. Re emhin lẹkhẹ nin egbe ẹ, uwẹ ha ji ele da rẹkpa uwẹ mun ọne ihẹ nan. 24 Moses da jẹje ka aba okhuo ọle ehọ, yẹ lu emhin rebhe nin ọle taman ọlẹn nin ọle lu. 25 Moses da zẹ ikpea ne sabọ miẹnsọn nọnsẹn bhi ẹwẹ ibhokhan Izrẹl. Ọle da ne ele ọbhi ihe nin ele ha yi ediọn bhi egbe ene ẹbho, ne ha yi ekhaẹmhọn bhi egbe itue uli, ekhaẹmhọn bhi egbe itue iyisẹn, ekhaẹmhọn bhi egbe itue igbe nyan egbọ-eva, bi ekhaẹmhọn bhi egbe itue igbe.