Genesis

5 Ọnan hi ebe nọn gbe okha ọsi Adam. Bhi ukpẹdẹ nin Osẹnobulua man Adam, ọle da man ọlẹn bhi arẹkhọkhọ nọnsi Osẹnobulua. 2 Ọle da man ele okpea bi okhuo. Bhi ọne ukpẹdẹ nin ọle man ele, ọle da nan erọnmhọn nin ele yẹ tie ele Eria. 3 Adam da nyẹnlẹn bhi ikpe 130 ọle kuẹ biẹ ọmọn okpea bhi arẹkhọkhọ nọnsọle, ọmọn okpea nọn yẹ diabe ọlẹ. Ọle da tie ọne ọmọn iSeth. 4 Ọle ki biẹ iSeth fo, ọle da sẹyẹ nyẹnlẹn bhi ikpe 800. Ọle da biẹ imọn ikpea bi imọn ikhuo. 5 Ikpe rebhe nin Adam gbe bhi agbọn da ha yi ikpe 930. Ọle da yu. 6 Seth da nyẹnlẹn bhi ikpe 105 ọle kuẹ biẹ ọmọn natiọle Eʹnosh. 7 Ọle ki biẹ iEʹnosh fo, Seth da sẹyẹ nyẹnlẹn bhi ikpe 807. Ọle da biẹ imọn ikpea bi imọn ikhuo. 8 Bhiriọ, ikpe rebhe nin Seth gbe bhi agbọn da ha yi ikpe 912. Ọle da yu. 23 Bhiriọ, ẹdagbọn rebhe nọnsi Enoch da ha yi ikpe 365. 24 Enoch da wo ha khian rẹkhan Osẹnobulua ọsi ẹmhọanta. Osẹnobulua da re ọle, bhiriọ, ọle bha yẹ ha ribhọ. 29 Ọle da tie ọne ọmọn Noah. Ọ da yọle: “Ọnan dẹ ko mhan udu re bhi ọnọghọ bi ẹsọn oya nin mhan miẹn ranmhude Jehova fi ọne otọ nan unun.”