Genesis
3 Ẹgheso ki gbera, Kein da ne emhin ugbo eso re rẹ zọese Ji Jehova. 4 Ọkpakinọn, Ebel da ne elanmhẹn eso ne egbe gba nan bhi emhin-uri nesọle, yẹ re ele bi abhii nọnsele rẹ zọese. Jehova da re ẹlo esili rẹ ghe Ebel bi izọese nọnsọle. 5 Ọkpakinọn, ọle bha re ẹlo esili rẹ ghe Kein bi izọese nọnsọle. Bhiriọ, Kein da ha khọẹkẹ, egbe iẹnlẹn da lọ ọle. 6 Bhiriọ, Jehova da taman Kein yọle: “Bezẹle nin egbe iẹnlẹn da lọ ẹ, nin ẹkẹ da yẹ wo dinian ha khọ ẹ? 7 Uwẹ ha fidenọ dọ ha lu emhin esili, mẹn ida be ha re ẹlo esili ghe ẹ? Ọkpakinọn, ahamiẹn uwẹ bha fidenọ ha lu emhin esili, ọbe bu uwẹ vade, ọle ho nọn kiẹn ebeanlẹn ẹn; uwẹ ida be khọn ọlẹn miotọ?” 10 Ọle da wanniẹn ọlẹn yọle: Be uwẹ lu nian? Kaehọ! Aranlẹn ọsi obhio ẹ na bhi otọ ha sotie mẹn. 17 Akizẹbue, Cain da ne okhuo ọle nowẹ. Ọne okhuo da ha hanmhan. Ọ da biẹ ọmọn natiọle Eʹnoch. Ọle da munhẹn ha bọn agbaẹbho, ọ da yẹ tie ọne agbaẹbho elin nọnsi ọmọn nọnsọle nin Eʹnoch. 18 Akizẹbue, Eʹnoch da biẹ Iʹrad. Iʹrad da biẹ iMe·huʹja·el, Me·huʹja·el da biẹ iMe·thuʹsha·el, Me·thuʹsha·el da biẹ iLaʹmech. 19 Laʹmech da ne ikhuo eva. Ọne ọhẹnhẹn da ha yi Aʹdah, ọne ọzeva da ha yi Zilʹlah. 20 Aʹdah da biẹ iJaʹbal. Ọle hi aba odede ọsi ene re emhin uri kọn bi ene nyẹnlẹn bhi ibọkpọ. 21 Elin nọnsi obhio ọle da ha yi Juʹbal. Ọle hi aba odede ọsi ene khue emhin illo natiọle harp bi ene fi ufele. 22 Zilʹlah da yẹ bie iTuʹbal-cain, ọle hi ojogun nọn re ẹlonmhọn bi oze rẹ lu emhin kẹkẹ. Obhio iTuʹbal-cain nin okhuo da ha yi Naʹa·mah. 23 Laʹmech da mhanmhan ene ọta nan taman Aʹdah bi Zilʹlah nin ikhuo ọle: “Bha ka mẹn ehọ, ibha nin ikhuo Laʹmech; Bha re ehọ bhi ọta nin mẹn ta: Mẹn da gbe okpea ọkpa a ranmhude ọle kuan mẹn, Ehe, mẹn da gbe usẹn-okpea a ranmhude ọle fi mẹn emhin. 24 Ahamiẹn ghe igba 7 a ha sọikhi bhi egbe ọria nọn ha gbe Cain an, igba 77 a da sọikhi bhi egbe ọria nọn ha gbe Laʹmech a.” 25 Adam da gbo kie ne okhuo ọle nowẹ, ọne okhuo da biẹ ọmọn okpea. Ọne okhuo da tie ọne ọmọn Seth ranmhude ọle da yọle, “Osẹnobulua gbo kie re ọmọn ọbhebhe nin mẹn bhi ihe ọsi Abel ranmhude Cain gbe ọle a.” 26 Seth da yẹ biẹ ọmọn okpea, ọle da tie ọle Eʹnosh. Bhi ọne ẹghe nin, ẹbho da munhẹn ha tie elin nọnsi Jehova.