Genesis
31 Akizẹbue, ọle da họn ẹmhọn nin imọn ikpea nesẹ Laʹban ha ta. Ele da ha yọle: “Jacob re emhin rebhe nesi aba mhan rẹ kiẹn ọsọle. Emhin nesi aba mhan ọle da koko ene ẹfe nan rebhe.” 2 Jacob da kere ghe ẹlo nọnsi Laʹban fidenọ bhi uhọnmhọn. Ọ iyẹ yi uwedẹ nọn ka rẹ ne ọle lu emhin khẹ ọ yẹ rẹ ne ọle lu emhin. 3 Ọkike ọle, Jehova da taman iJacob yọle: “Fikiẹ ha khian otọ nọnsi aba ẹ, yẹ fikie bu ibhio uwẹ. Mẹn dẹ sẹyẹ ne uwẹ dia.” 4 Jacob da ki je uhọnmhọn ji Rachel bi Leʹah nin ele vae bhi eji ọle da gbẹloghe emhin-uri nesọle. 5 Ọle da taman ele yọle: “Imẹn daghe ọle ghe uwedẹ nin aba bha rẹ ne mẹn lu emhin fidenọ, sokpan, Osẹnobulua ọsi aba mẹn bha zẹ mẹn obọ. 6 Ibha tobọbha lẹn ghe ahu nọnsẹmhẹn rebhe, ọle mẹn rẹ ga aba bha. 7 Sẹyẹ, aba bha da ha guanọ uwedẹ nin ọle ha rẹ mun mẹn lu. Igba igbe ọle fi ihaosa nọnsẹmhẹn denọ. Sokpan, Osẹnobulua bha ji ọle kuan mẹn. 8 Ahamiẹn ọle yọle ghe, ‘Emhin-uri nin emhin sajẹ ele bhi egbe imẹn da rẹ ha uwẹ osa,’ ene emhin-uri rebhe ki ha biẹ imọn nin emhin sajẹ ele bhi egbe; ọle ha ki yọle, ‘Emhin-uri nin emhin vinọn ele bhi egbe da ha yi ihaosa nọnsi uwẹ,’ ene emhin-uri rebhe ki biẹ imọn nin emhin vinọn ele bhi egbe. 9 Iriọ Oṣenobulua rẹ ha miẹn aba bha emhin-uri nesọle yẹ ne nin mẹn. 10 Bhi ẹghe nin ene ẹbhe amhẹn rẹ ji ene obhukhọ da mun ele, mẹn da tuẹn ẹlo mun yẹ daghe ọle bhi ebhohiẹ ghe obhukhọ ne emhin sajẹ ele bhi egbe bi ene emhin vinọn ele bhi egbe, ele ha mun ene ẹbhe amhẹn. 11 Ẹghenin, ẹhi nọnsi Osẹnobulua ọsi ẹmhọanta da tie mẹn bhi ọne ebhohiẹ yọle, ‘Jacob!’ Mẹn da ki wanniẹn ọlẹn yọle, ‘Ghe mẹn bhi enan.’ 12 Ọle da yọle, ‘Huẹan, tuẹn ẹlo mun nin uwẹ daghe ọle ghe obhukhọ nin emhin sajẹ ele bhi egbe bi ene emhin vinọn ele bhi egbe, ele hi ene obhukhọ rebhe ne mun ene ẹbhe amhẹn. Ranmhude, mẹn daghe emhin rebhe nin Laʹban lu uwẹ le. 13 Imẹn hi Osẹnobulua ọsi ẹmhọanta nọn re egbe man uwẹ bhi Bethʹel, bhi eji uwẹ da biri abhili nyan ikazi, bi eji uwẹ da ve ive nin mẹn. Ejayenan, kpanọ. Sibhi ọne otọ nan re, uwẹ ha fikie diọ bhi otọ nan da biẹ uwẹ.’” 14 Rachel bi Leʹah da ki wanniẹn ọlẹn yọle: “Emhin soso yẹ kẹre nin mhan ha miẹn bhi uwa nọnsi aba mhan? 15 Rẹ na bhi ẹghe nin ọle rẹ khiẹn mhan, yẹ ha le igho nan mun mhan bhi uhọnmhọn, ẹlo eriọbhe ọle ki rẹ ghe mhan. 16 Ẹfe rebhe nin Osẹnobulua miẹn aba mhan le, ọsẹmhan bi ọsi imọn nesẹmhan nọn. Bhiriọ, lu emhin rebhe nin Osẹnobulua taman uwẹ nin uwẹ lu.” 17 Bhiriọ, Jacob da mun imọn nesọle bi ikhuo nesọle ọbhi okhun ene icamel. 18 Ọle da koko emhin-uri rebhe nesọle, yẹ muno emhin rebhe nin ọle mhọnlẹn, ọle da koko ene emhin-uri rebhe nin ọle ha mhọn bhi Padʹdan-aʹram. Ọle da muegbe nin ọle rẹ ha bu Isaac nin aba ọle bhi otọ iCaʹnaan. 19 Ejayenan, Laʹban dagbare ha khian dọ gbẹn ilọn sibhi egbe ihuan nesọle re, Rachel da do ẹbọ nesi aba ọle ne. 36 Ẹghenin, ohu da re Jekọp, ọle da munhẹn ha nin Leban gui. Jekọp da taman Leban yọle: “Be mẹn lu yẹ, emhin ebe nela mẹn lu in uwẹ da re inian khu rẹkhan mẹn? 37 Beji uwẹ ki zanzan ihe nesẹmhẹn rebhe fo nian, emhin nọnsẹ nela uwẹ kere bhi ẹkẹ ọle? Re ọle ọbhi otọ bhi odalo ọsi ibhio mẹn bi ibhio uwẹ, nin ele bhohiẹn mẹn bi uwẹ. 38 Bhi ẹkẹ ene ikpe 20 nan rẹbhe nin mẹn gbe bhi eji uwẹ ye, ẹghe bha ha ribhọ nin ihuan bi ẹbhe nesẹ rẹ hanmhan nan miẹn ele bha biẹ, ẹghe bha ha ribhọ nin mẹn rẹ le ọmọn nin ohuan nọnsẹ biẹ. 39 Ẹghe bha ha ribhọ nin mẹn rẹ mun elanmhẹn nin elanmhẹn ẹwẹ gbe a ji uwẹ. Mẹn hi ọnọn haosa ọle. Aharẹmiẹn ọsodanmhẹn la ọsemuan a rẹ ra elanmhẹn nesẹ, uwẹ ki yọle nin mẹn haosa. 40 Ọsodanmhẹn ovuẹn ki gbe mẹn, ọsemuan, ulinlin, sẹyẹ mẹn iwẹ. 41 Ikpe 20 ki nọn nian nin mẹn mọn da nyẹnlẹn bhi isẹ. Mẹn da re ikpe 14 rẹ ga bhi imọn ikhuo nesẹ veva, yẹ re ikpe 6 ga uwẹ, nin mẹn da sabọ ha mhọn bhi emhin-uri nesẹ. Ọ sẹbhi igba igbe nin uwẹ fi ihaosa nọnsẹmhẹn denọ. 41 Ikpe 20 ki nọn nian nin mẹn mọn da nyẹnlẹn bhi isẹ. Mẹn da re ikpe 14 rẹ ga bhi imọn ikhuo nesẹ veva, yẹ re ikpe 6 ga uwẹ, nin mẹn da sabọ ha mhọn bhi emhin-uri nesẹ. Ọ sẹbhi igba igbe nin uwẹ fi ihaosa nọnsẹmhẹn denọ. 42 Sade Osẹnobulua ọsi aba mẹn, Osẹnobulua nọnsi Ebraham bi Osẹnobulua nin Aiziki mun ofẹn ọlẹn bha deba mẹn nọn, obọ khọnkhan uwẹ ha rẹ rẹ je mẹn kpanọ. Osẹnobulua daghe oya nọn lo mẹn bi ẹsọn nọn kaka nin mẹn miẹn, ọle zẹle nin ọle da sekha nin uwẹ inasọn.” 43 Leban da wanniẹn Jekọp yọle: “Ene ikhuo nan, imọn nesẹmhẹn nọn, sẹyẹ, ene ibhokhan nan, imọn nesẹmhẹn nọn, ene ihuan, mẹn nyan ele, emhin rebhe ne ribhi enan nian, mẹn bi imọn ikhuo nesẹmhẹn nyan ele. Be mẹn ha ki sabọ lu da ele bi imọn nin ele biẹ? 44 Ejayenan, vae, ji mẹn bi uwẹ ko ve akovẹn. Ọne akovẹn ki ha yi ọsali rẹji mhan veva.” 45 Bhiriọ, Jekọp da mun udo yẹ ke ọbhi otọ bọsi ikazi. 46 Jekọp da taman ibhio ọle yọle: “Bha ne udo!” Ele da ne udo yẹ si ene udo koko. Ele ki lu ọnan fo, ele da le ebale bhi uke ọne udo nin ele mhanmhan kugbe. 47 Leban da ha tie ọle Jeʹgar-sa·ha·duʹtha, sokpan, Jekọp da ha tie ọle Galʹe·ed. 48 Leban da yọle: “Ene udo nan nin mhan sikoko dẹ ha yi ọsali rẹji mẹn bi uwẹ ẹlẹnan.” Ọnan zẹle nin ọle da tie ọle Galʹe·ed, 49 bi Eji A Da Mundia Khẹ Ughe, ranmhude ọle da yọle: “Nin Jehova gbẹlokotọ bhi egbe imẹn bi uwẹ ahamiẹn ghe mhan iyẹ ribhi eji egbe ye. 50 Ahamiẹn ghe uwẹ dọ ha re obọ oya mun imọn nesẹmhẹn, yẹ ha ne ikhuo ebhebhe ba ele, yere ghe Osẹnobulua dẹ ha yi ọsali rẹji mhan veva, aharẹmiẹn ghe ọria soso idaghe mhan.” 51 Leban da sẹyẹ yọle: “Ghe ọne udo nan nin mhan sikoko, bi ọne ikazi nin mẹn mun gbọ rẹji mẹn bi uwẹ 52 Ene udo nan sikoko dẹ ha yi ọsali, ọne ikazi dẹ yẹ ha yi ọsali, ghe, imẹn ida gbera ene udo nan dọ kuan uwẹ, sẹyẹ, uwẹ ida gbera ene udo nan bi ọne ikazi nan dọ kuan mẹn. 53 Nin Osẹnobulua nọnsi Ebraham bi Osẹnobulua nọnsi Nehọ, bi Osẹnobulua nọnsi aba ele bhohiẹn mhan.” Jekọp da re Osẹnobulua nin Aiziki nin aba ọle mun ofẹn ọlẹn rẹ ve ihẹn ọbhọ. 54 Ọnin ki gbera, Jekọp da zoese bhi ọne oke, ọle da tie ibhio ọle nin ele dọ le ebale. Bhiriọ, ele da le ebale, yẹ gbe ẹdẹwe bhi ọne oke. 55 Ẹdẹ ki wẹ, Leban da kpanọ, ọle da fiofio imọn nesọle bi eyẹ nesọle unun yẹ nan erọnmhọn nin ele. Ọle ki lu onin fo, ọle kpanọ ha khian uwa.