Genesis

12 Ene ikpea da taman iLot yọle: “Uwẹ be yẹ mhọn eria ebhebhe bhi enan? Eruan uwẹ, imọn ikpea nesẹ, imọn ikhuo nesẹ, bi ẹbho nesẹ rebhe bhi ọne agbaẹbho nan, ne ele dagbare! 13 Mhan ho nin mhan fuẹn ọne agbaẹbho nan an, ranmhude, usomhin rẹji ọne agbaẹbho nan sẹ bhi eji Jehova ye. Bhiriọ, Jehova da je mhan nin mhan dọ fuẹn ọne agbaẹbho nan an. 15 Beji ẹdẹ ki rẹ ha we, ene ẹhi da ha tua iLot. Ele da ha yọle: “Kpanọ! Re okhuo ẹ bi imọn ikhuo eva nesẹ ne ne uwẹ, beji a ha da miẹn ghe a bha fuẹn bha a ranmhude olukhọ nọnsi ọne agbaẹbho nan!” 16 Ẹghe nin ọle ki rẹ ha rọẹghe, ene ikpea da re ọle obọ, ọsi okhuo ọle, bi ọsi imọn-ikhuo nesọle mhọnlẹn, yẹ ne ele sibhi ọne agbaẹbho re ranmhude ẹjẹjẹ nin Jehova mhọn da ọle. 21 Bhiriọ, ọle da taman ọlẹn yọle: “Ọmhẹn khiriọ, mẹn dẹ yẹ lu ebi uwẹ tale. Mẹn i da dunmhun ọne agbaẹbho nin uwẹ tẹmhọnlẹn. 24 Ẹghenin, Jehova da lu ọle nin sulfur bi eranlẹn na okhun rọ nyan Sodʹom bi Go·morʹrah—okhun ọne eranlẹn na vae, bhi obọ iJehova. 25 Ọle da fuẹn ene agbaẹbho a, ehe, ọne otọ nin rebhe, rẹ sẹbhi ẹbho ne nyẹnlẹn bhi ene agbaẹbho, bi eran bi iri ne ribhi ọne otọ. 26 Ọkpakinọn, okhuo iLot nọn ha ribhi ikeke iLot da ha ghe ikeke, ọle da kiẹn ukene-umhẹn.