Genesis

8 Bhiriọ, Aʹbram da taman iLot yọle: “Wowo, hẹi ji mhan ko ha van, la nin ikpea ne re emhin uri nesẹmhan kọn ko ha van, ranmhude, ibhio mhan khin. 9 Ọ iyi ọne otọ rebhe be ribhi odalo uwẹ riọ? Huẹan, ji mhan van egbe obọ. Uwẹ ha diọ bhi obera, mẹn ki dio bhi obọ agobo, sokpan, uwẹ ha diọ bhi obọ agobo, mẹn ki diọ bhi obera.” 11 Bhiriọ, Lot da zẹ otọ rebhe nọn ribhi obọ ọsi Jordan. Ọle da mun agọ nọnsọle diọ bhi obọ ọsi east. Ele veva da van egbe obọ. 12 A′bram da ha nyẹnlẹn bhi otọ iCa′naan, sokpan, Lot da ha nyẹnlẹn bhi ẹwẹ ene agbaẹbho ne ribhi ọne otọ. Ọkike ọle, ọle da dọ mun agọ bhi egbegbe iSod′om. 13 Eluemhin-ebe ikpea ne ribhi Sodọm ha khin. Ele wo manman ha lu emhin ebe da Jehova. 14 Ẹghe nin Lot ki rẹ van obọ sibhi eji Aʹbram ye re, Jehova da taman Aʹbram yọle: “Huẹan, tuẹn ẹlo okhun, uwẹ ha na bhi eji uwẹ ye ghe obọ ọsi north, obọ ọsi south, obọ ọsi east, bi obọ ọsi west, 15 ranmhude, ọne otọ nan rebhe nin uwẹ daghe, uwẹ bi ọmọn nọnsẹ mẹn da mun ọlẹn nan, nọn ha yi ọsẹbha rẹ ha khian. 16 Sẹyẹ, mẹn ki lu ọle nin ọmọn nọnsẹ bun sẹbi ekẹn nọn ribhi ọne otọ nan, beji a da miẹn ghe ọria ha sabọ ka ikpekẹn ne ribhi ọne otọ nan, ọle a ha da sabọ ka imọn nesẹ. 17 Kpanọ, khian nẹga ọne otọ rebhe, khian na bhi eji ọ tan sẹ bi eji ọ bhia sẹ, ranmhude, uwẹ mẹn da re ọne otọ nan.”