Hjálp handa konum sem hefur verið misþyrmt

Þannig hefst greinin „Öryggi kvenna – sjónarmið Biblíunnar“ á jw.org. Krækja í lok greinarinnar gefur manni færi á að sækja PDF-skjal af greininni sem er hægt að prenta út og brjóta saman í fjögurra blaðsíðna smárit. „Ég prentaði nokkur eintök og fór ásamt annarri systur með þau í athvarf fyrir konur á safnaðarsvæðinu,“ segir systir í Bandaríkjunum sem heitir Stacy.

Starfsmaður í athvarfinu bað um fleiri eintök til að láta þær fá sem búa þar. Meira en 40 smáritum var dreift auk 30 jw.org nafnspjalda. Síðar vildi umsjónarkona athvarfsins að vottarnir sýndu konunum sem bjuggu þar hvernig biblíunámskeið fer fram.

Stacy og tvær aðrar systur fóru í annað athvarf þar sem fimm smárit voru þegin og beðið var um fleiri. „Þetta rit mun koma konunum hér að gagni,“ sagði kona sem vann þar. Hún sagði: „Við þurfum á þessu að halda.“ Síðar söfnuðust nokkrar konur sem dvöldu í athvarfinu saman til að sjá hvernig biblíunámskeið fer fram og tvær þeirra sögðust vilja koma á samkomu í ríkissalnum um helgina.

Stacy segir: „Við erum undrandi á viðbrögðunum við greininni. Að prenta þessa góðu grein út og brjóta saman er frábær leið til að deila fagnaðarboðskapnum með konum sem hafa orðið fyrir ofbeldi. Þessi góðu viðbrögð snertu hjörtu okkar og við bíðum spenntar eftir því að sjá hvernig Jehóva blessar viðleitni okkar til að ná enn frekar til þessara kvenna með fagnaðarboðskapinn.“