Tilkynningar

◼ Ritatilboðið í nóvember og desember: Bókin Hvað kennir Biblían? eða smáritið Viltu vita svörin? Janúar og febrúar: Gleðifréttir frá Guði eða Var lífið skapað?

◼ Í lögum um meðferð persónuupplýsinga segir að ekki megi skrá viðkvæmar upplýsingar um fólk. Viðkvæmar persónuupplýsingar teljast: Upplýsingar um uppruna, litarhátt, kynþátt og stjórnmálaskoðanir, svo og trúar- eða aðrar lífsskoðanir, stéttarfélagsaðild og upplýsingar um heilsuhagi og kynhegðan. Þá má ekki skrá upplýsingar um refsiverðan verknað, upplýsingar um alvarleg félagsleg vandamál eða fjölskylduvandamál og þess háttar. Þessar reglur koma í sjálfu sér ekki í veg fyrir að við getum skráð minnispunkta í boðunarstarfinu, en það er engin ástæða að skrá meira en nauðsynlegt er. Það er ágæt regla að skrifa bara það sem maður gæti sýnt viðkomandi. (Matt. 7:12) Til að geta komið aftur vel undirbúinn ætti að vera nóg að punkta hjá sér það sem maður hefur sjálfur sagt, hvaða ritningarstaði maður hefur lesið og hvaða rit maður hefur lofað að koma með næst. Við mælum með því að minnispunktar fyrir boðunarstarfið séu skráðir í venjulega minnisbók en ekki á forprentuð minnisblöð.