Ritháttur ártala

Skammstöfunin „f.o.t.“ hefur um langt árabil verið notuð í ritum okkar með ártölum. Skammstöfunin „e.o.t.“ hefur einnig verið notuð stöku sinnum þar sem þurft hefur til aðgreiningar og skýrleika.

Ákveðið hefur verið að hverfa frá því að nota þessar skammstafanir og taka upp „f.Kr.“ (oftast lesið „fyrir Krist“) og „e.Kr.“ (oftast lesið „eftir Krist“) í staðinn. Breytingin tekur gildi í öllum ritum okkar frá og með 1. september 2005. Ástæðan fyrir þessari breytingu er sú að rithátturinn „f.o.t.“ og „e.o.t“ virðist ekki vera notaður af öðrum en okkur, þó svo að orðalagið „fyrir okkar tímatal/eftir okkar tímatali“ heyrist stundum notað í mæltu máli. Með þessari breytingu er leitast við að fylgja almennri málvenju og rithætti í málsamfélagi okkar sem ætti að vera skýrara fyrir almenna lesendur.