Notarðu boðsmiða?

Eitt sinn fann 11 ára gamall strákur boðsmiða á götunni sem auglýsti fyrirlestur um helvíti. „Þetta vakti áhuga minn,“ sagði hann seinna meir, „þar sem ég virtist alltaf vera að gera eitthvað rangt og því hafði ég miklar áhyggjur af því að lenda í helvíti þegar ég dæi.“ Hann fór á fyrirlesturinn og lét skírast um einu ári síðar, eftir nokkrar biblíunámsstundir. Þannig hófst ævilöng kristin þjónusta Karls Kleins, sem átti síðar sæti í hinu stjórnandi ráði Votta Jehóva um árabil. Þetta hófst allt með boðsmiða.

Boðsmiðar eru einnig áhrifaríkt verkfæri í boðunarstarfinu núna. Mörgum boðberum finnst gott að kynna sig og hefja samræður með því að rétta viðmælandanum boðsmiða. Foreldrar geta fengið ung börn til að taka þátt í boðunarstarfinu með því að láta þau bjóða boðsmiða við dyrnar. Boðberar, sem vitna bréflega, geta auglýst samkomurnar með því að láta boðsmiða fylgja bréfunum. Og boðsmiðar eru auðvitað hentug leið til að bjóða biblíunemendum og öðrum áhugasömum á samkomur.

Notar þú boðsmiða vel í boðunarstarfinu?