Aftur er komið sumar!
1 Flest hlökkum við til sumarsins þegar við getum notið þess að fara í sumarfrí og verja líka tíma með vinum okkar. En við megum ekki gleyma að guðræðislegt starf verður að vera áfram ofarlega á forgangslista okkar. Við viljum taka reglulega þátt í boðunarstarfinu þó að við séum í fríi og gæta þess að starfsskýrsla berist söfnuðinum í tæka tíð. Á ferðalögum ættum við að reyna að sækja safnaðarsamkomur þar sem söfnuði er að finna. Ef við tökum með okkur viðeigandi rit höfum við eitthvað að bjóða þegar tækifæri gefst til óformlegs vitnisburðar.
2 Unglingar í skólafríi geta hugleitt möguleikann á að gerast aðstoðarbrautryðjendur. Við ættum öll að reyna að halda einkanámi okkar gangandi og þar má nefna meðal annars biblíulesturinn og efnið sem farið er yfir í hverri viku á samkomunum. Þó að við tökum því fagnandi að geta breytt svolítið til yfir sumartímann viljum við eftir sem áður halda áfram að ‚meta rétt þá andlegu hluti sem máli skipta.‘ — Fil. 1:10.