Þegar ‚vindur er á móti‘

Guðspjallaritarinn Markús segir í frásögu sinni frá bátsferð lærisveina Jesú yfir Galíleuvatn þar sem „þeim var þungur róðurinn, því að vindur var á móti þeim.“ Jesús sá frá ströndinni í hvaða erfiðleikum þeir áttu og gekk á vatninu út til þeirra. „Hann sté í bátinn til þeirra og lægði þá vindinn.“— Markús 6:48-51.

Markús segir frá því annars staðar að „stormhrina mikil“ hafi brostið á. Jesús „hastaði á vindinn . . . og gerði stillilogn.“— Markús 4:37-39.

Enda þótt við njótum ekki þeirra sérréttinda að sjá slík kraftaverk getum við lært margt af þeim. Við erum ófullkomin og lifum á háskatímum svo að við förum ekki varhluta af ýmsum mótlætisvindum. (2. Tímóteusarbréf 3:1-5) Stundum geta prófraunirnar verið svo þungar að þær líkjast einna helst óveðri. En Jesús býður okkur skjól og segir: „Komið til mín, allir þér sem erfiði hafið og þungar byrðar, og ég mun veita yður hvíld.“ — Matteus 11:28.

Þótt okkur finnist ‚vindur vera á móti‘ getur verið „stillilogn“ í hjartanu ef við treystum á óbrigðul fyrirheit Guðs. — Samanber Jesaja 55:9-11; Filippíbréfið 4:5-7.