Onẹ Mẹjọ Mu Gwo Daba T’ilẹ Etitọ Iko Noa

Noa, abo akwọra unyi-wñ kp’amẹla le tefu ọkọ. Jihofa f’ọna ọkọ lẹ re, tak omi chanẹ elọ. I lọ gbogbo tak ọkọ mu kwo n’eju omi alulẹ. Tak ẹ ma, omi m’eju anẹ-ilẹ chaka gba ny’ọwọ. Abo ku ma kọ etefu ọkọ chaka lekwu. Ama, ẹñwu duu che Noa kp’abo akwọra unyi-wñ ku ma j’efu ọkọ lẹ n. Ẹ neke kpibe kado alu k’ẹdọ Noa kp’abo akwọra unyi-wñ bọ kade todu ku ma gb’omu Ọjọ gbọ?

Omi gwulọ b’anẹ-ilẹ ma ọrọka ọgbọ meji kpai odu ọgbọ meji, tak i da. Omi lẹ chanẹ egbẹ pẹẹ pẹẹ pẹẹ. Otitala-wñ, ọkọ lẹ kwo tane ojuwo. Ama ugbo ki bọ chẹkọ ñwu omi. Todulẹ, Noa kp’abo akwọra unyi-wñ neke kwef ọkọ lẹ ẹrẹrẹ n.

Ọree ree omi lẹ na agbẹ. I t’ọdọ ka le ki Noa kp’abo akwọra unyi-wñ j’efu ọkọ lẹ. Taki Jihofa ka ñwu ma kaki ma neke dufu kwef ọkọ lẹ dabẹnẹ k’ilẹ etitọ ma alo. Ẹdọ-ma chẹ bọ nana todu ki Jihofa gba-ma tanẹ, ma d’e-lẹ ña lef’ichẹbọ ku ma che.

Ẹdọ Jihofa chẹ bọ r’ichẹbọ ku ma che lẹ. Taki Jihofa f’u gọ kaki owñ ña d’omi lile kp’ilẹ biẹ gẹ n. Jihofa jẹñwu ọba ki dufu ki ch’ujiwe kak i bọ ad’omi lile kp’ilẹ biẹ gẹ n. Ẹ che li ọba mama mẹ?

Taki Jihofa ka ñwu Noa kp’abo akwọra unyi-wñ ku ma bi ọma ku ma la wewe nyọgba.