Sera F’ọma Ọnẹkẹlẹ Nẹ!

Ebraham kpai Sera n’ọla ma ọdọ wewe mẹ. Ma kw’unyi ma ef’ewo Ur wa tefu ebu. Ama, Sera kw’ula n, todu i kẹdọno Jihofa.

Sera atene ọma ololo. E-lẹ jẹnwu ka ñwu Ebraham kakini: ‘Ichẹñwu k’adu mi Hega f’ọma nẹ, ọma lẹ neke dab’e-mi.’ Alu ki dẹ pẹẹ, Hega f’ọma bi, odu ñwu la kọ Ishmaẹl.

Alu k’ọdọ wewe lale, iko ki Ebraham ch’ọdọ ọgbọ mẹlẹ ny’oke mẹgwẹla [99] ki Sera la ch’ọdọ ọgbọ mẹlẹ ny’oke mẹla [89], oñ ma n’ononojo mẹta. Ebraham dọ ma ku ma wa ñmi ofe oli ku ma la j’ujẹñwu. Ẹ che m’abo ononojo lẹ? Onuchẹ Ọjọ ma che! Ma ka ñwu Ebraham: ‘Ẹgba ki dẹ-i ọdọ ki awa, uwẹ kp’ọya wẹ anya n’ọma ọnẹkẹlẹ.’ Sera na neti r’ẹñwu ku ma aka kwefu ebu. Sera nyi ọla-wñ anyi, i la kakini: ‘Alu ku mud’ogijo-i, u neke n’ọma taa?’

Ọdọ ki rọno lẹ, Sera f’ọma ọnẹkẹlẹ bi, alu k’onuchẹ Ọjọ Jihofa gbalutanẹ. Ebraham m’odu du ñwu ọma-wñ kọ Aijik, ofe-wñ la che “Anyi”.

Iko k’Aijik ch’ọma ọdọ mẹlu, Sera li alu ki Ishmaẹl ach’ẹkpabiẹ ọma-wñ Aijik. Todu ki Sera la tene egb’ọma-wñ tanẹ, oñ i le nya ka ñwu Ebraham ki fi Hega kp’ọma-wñ no. Ejodudu, Ebraham kọ eneti r’ọya-wñ. Ama, Jihofa ka ñwu Ebraham kakini: ‘Neti ru Sera ọya wẹ. Na adejutẹ Ishmaẹl. Ama lugbo Aijik oñ ugbalutanẹ mi anya chẹ.’