Ọla Uchanẹ Ukpẹ 14

Abo Kraist ejodudu takoya inabali uchẹnyọ lo t’ugbo ki jiji tule ef’ilẹ-i. Jisọs na nẹ ma le t’ugbo ku ma atakoya uchẹnyọ ñwu amonẹ, i la jẹñwu ma ku ma neke kọ amonẹ ẹñwu alu ichi ojoji ojoji l’ọna awuwu. Jihofa la d’ẹdẹgbo kpai ukpahiu ñwu ma ku ma neke legwu akanya kpai akobọ ojoji ojoji du.

Jisọs d’anẹ ego ka ñ’ẹnukpuchẹ Jọn, ef’anẹ ego lẹ, Jisọs jẹñwu ki li ẹgahi (ojima) Jihofa. Ef’anẹ ego omunẹ, Jọn li alu k’Ojanẹ ọfẹ e-ef’ojale fi Setan du, i la m’ukpoji du wa ñwu ọfẹ Setan ogbegbelẹ. Oñ Jọn ñọ li Jisọs alu ki f’Onu jẹ ki la na ch’ọda ọfẹ-wñ kpai amonẹ icham ny’ọgwọkọ ugbo ogwumẹlu nyọgbọ meji nyoke mẹlẹ [144,000]. Jọn ñọ li alu k’ọgbọ ilẹ-i chakaa mu rida ti Paradais ugbo k’amonẹ chakaa arẹ Jihofa kate kp’urẹdọ manyu udama.