Ọla Uchanẹ Ukpẹ 8

Jihofa d’ibe ọmẹmẹlẹ ñwu Solomọn, i la ñọ d’uña ek’unyi-arẹ ñwu. Ama, Solomọn chanẹ eti Jihofa nọ pẹẹ pẹẹ. Ichẹñwu k’ẹ ch’ata abẹk iye, du nẹr’ọma-wẹ eju ọna k’abo ku ma ma r’Ọjọ ochochi n f’ibe Solomọn rida b’Ọjọ ochochi tẹ. E-lẹ jẹñwu ọfẹ ojanẹ lẹ mukpẹr’eji, am’onu ẹbiẹnẹ la k’amonẹ lẹ ẹchẹ t’efu et’Ọjọ ochochi nọ kpai ech’akpabiẹ ochochi manyu er’amojibo. Adiko lẹ, ma kobọ abo ku ma ar’Ọjọ ochochi, ma la kp’amakachẹ Jihofa wewe. Onu onubulẹ Jezebẹl ñọ jẹñwu amonẹ chanẹ erẹ ojibo ọna ẹgbiti. Iko ki dẹ-i biẹnẹ nyọnyọ ñwu abo Israẹl. Amaa, tabalẹ abo ku ma arẹ Jihofa kp’ẹdọ ma chakaa ñọ che bọ nana ojanẹ Israẹl. Ujiwe ma ch’Onu Jẹhoshafat kpai akachẹ Ẹlaija.