Ukọchẹ 15

E Chabunẹ ab’Omunẹ ku ma ch’Ẹwñ ki d’Ọjọ Ẹdọ

Ẹwñ chi k’ẹ ka ẹwñ k’ẹ kọchẹ-i ñw ab’omunẹ? (1)

Ẹnẹ ẹneke kpẹ uchẹnyọ lẹ kp’owñ? (2)

Ẹwñ ali wẹ neke che oji ab’omunẹ? (2)

Ẹgba nya ẹneke takoya kpai aboujeju? (3)

1. Abajọ-i ef ẹwñ ẹnyọ wewe kọchẹ kwefu Baibul mẹ. Uma-i ki nẹ tef echali ẹnẹKraist. (Abo Ẹfẹsus 4:22-24) Uma abalẹ cheju-wñ todu k’ẹ n’iñmi ogbegbelẹ. (Jọn 17:3) Ichaka dabalẹ, ab’omunẹ ñọ dukpẹ ku ma gbọ uchẹnyọ lẹ todu ka ma onugo ki n’ujadu. AboKraist ochochi du dukpẹ ku ma gbibenu ñw ab’omunẹ tila. Ọda Ọjọ iche.—Abo Rom 10:10; 1 Abo Kọrint 9:16; 1 Timoti 4:16.

2. Ẹneke chanẹ ekpẹ ẹwñ ẹnyọ k’ẹ kọchẹ lẹ kpai abo ki mẹr’ẹ. Ẹka amẹwñ lẹ kpai abounyi-wẹ, amonukwu-wẹ, abo skul wẹ, kpai abo ukọlọ-wẹ. Ẹnache abalẹ ef umọla kpai ẹdọ ejẹ. (2 Timoti 2:24, 25) Ẹrewa kakini m’ago ali onẹ t’e netiru ẹwñ ki ka le. Todulẹ ali ẹnyọ-wẹ neke jẹ ñw ab’omunẹ netiru uchẹnyọ kẹ jẹ ruma.—Matiu 5:16; 1 Pita 3:1, 2, 16.

3. Idẹ pẹẹ, ẹneke fẹ bajọ k’ẹ chanẹ etakoya ef ujeju Amẹnibenu Jihofa ugbo kẹ dẹ. E-che uchanẹ unyọgba-wẹ kpaka. (Matiu 24:14) Ab’uyọ wẹ adẹ kade i chẹwñ kẹ neke chabunẹ onẹ ki mu d’adu Jihofa k’i nẹ iñmi ogbegbelẹ!—1 Abo Tẹsẹlonaika 2:19, 20.