UKỌCHẸ 28
Du Ña Kaki Ẹñwu Ki Jihofa Kpai Jisọs Che Ñwẹ Che W’ẹ Eju
Abu ẹdọ wẹ adẹ ichẹñwu k’onukwu wẹ d’ẹñwu ele ñwẹ? Ochochi, ele lẹ ajẹñwu ẹdọ wẹ bọ nyọnyọ, ẹ la atene du ñ’onukwu wẹ kaki ele lẹ che w’ẹ eju. Ele ki Jihofa kpai Jisọs du ñwu wa ch’ele ki nana tule. Ẹñwu ch’ele lẹ? Abu a neke du ña kaki ele lẹ che w’uwa eju?
1. Ẹñwu ch’ọna ka k’a neke du ña kaki ẹñwu ki Jihofa kpai Jisọs che ñwu wa che w’uwa eju?
Baibul gbalutanẹ kaki “ẹnẹ du ki akẹdọno [Jisọs]” neke n’iñmi ogbegbelẹ. (Jọn 3:16) Abu onẹ neke du ña kaki i akẹdọno Jisọs? I ch’eka kp’alu kate kaki a kẹdọno Jisọs n. A ñọ d’ukẹdọno wa ña lefu amẹñwu k’a tu kpai ẹñwu k’a che. (Jemis 2:17) Ichẹñwu k’a d’ukẹdọno wa ña lefu ẹñwu k’a che kpai ẹñwu k’a ka, e-lẹ ajẹñwu onukwu wa kpai Jisọs manyu Jihofa ki chẹ lonyanẹ.—Gba Jọn 14:21.
2. Ẹñwu ch’uche ọkpu ki ajẹñwu wa du ña kaki ẹñwu ki Jihofa kpai Jisọs che ñwu wa che wʼuwa eju?
Anẹ odu taki Jisọs kwu, i ka ñwu am’akochẹ-wñ ọna omunẹ ku ma neke du ña kaki ukwu-wñ che w’uma eju. I ka ñwu ma ku ma jọ dama ef’uche ọkpu ka ki Baibul dọ ki ‘Ujẹñwu Ọkpanẹ Ondu’ ku ma ñọ dọ ki Urewa Ukwu Kraist. (1 Abo Kọrint 11:20) Jisọs atene k’amẹnukpuchẹ-wñ kpai Abo Kraist ochochi chaka ku ma na rewa kaki i d’ọlai-wñ ch’ele todu wa. Todu ẹñwu ogbogaga ki dẹ, Jisọs d’ọda kakini: “Mẹ ki che e-ki dẹ k’i ch’urewa-mi.” (Luku 22:19) Ichẹñwu k’ẹ w’uche Urewa Ukwu Kraist, ẹ du ña kaki ufẹdọ nana ki Jihofa kpai Jisọs du ña wa che w’ẹ eju.
N’UMA NYỌGBA
G’amọna omunẹ k’ẹ neke du ña kaki ufẹdọ nana ki Jihofa kpai Jisọs du ña wa che w’ẹ eju. G’ẹñwu ki chi k’Urewa Ukwu Kraist chẹñwu ogbogaga.
3. Uche wa adu ña kaki ẹñwu ki Jihofa kpai Jisọs che ñwu wa che w’uwa eju
Kpibe kaki onẹ gb’ẹ tanẹ iko k’aji ad’ẹ alo. Ẹ gbenyọ ẹñwu k’ẹnẹ lẹ che ñwẹ? Abẹki ẹ tene ọna k’ẹ du tejugede kaki ẹñwu ki che ñwẹ che w’ẹ eju?
A deju todu ufẹdọ ki Jihofa nẹ ñwu wa. Gba 1 Jọn 4:8-10, ubilẹ mẹ ch’oluka oji am’ene-i:
Ẹñwu chi ki ukwu Jisọs ch’ele ọkpu?
Abu ẹñwu ki Jihofa kpai Jisọs che dẹ ñwẹ?
Abu a neke du ña kaki ẹñwu ki Jihofa kpai Jisọs che ñwu wa che w’uwa eju? Gba 2 Abo Kọrint 5:15 kpai 1 Jọn 4:11; 5:3. Ubi ku mẹ f’amoji Baibul-i gba, mẹ ch’oluka oji ene-i:
Dabalu ki dẹ ef’amọgba Baibul-i, ẹñwu a neke che ki adu ña kaki ẹñwu ki Jihofa kpai Jisọs che ñwu wa che w’uwa eju?
4. Ch’awọli Jisọs
Ọna omunẹ k’a neke du ña kaki ẹñwu ku ma che ñwu wa che w’uwa eju che ech’awọli Jisọs. Gba 1 Pita 2:21, ubilẹ mẹ ch’oluka oji ene-i:
Am’ọna ẹñwu a neke du ña kaki a l’eju ẹrẹ Jisọs?
Jisọs fẹdọ Ọla Ọjọ, i la aj’uchẹnyọ, i la ach’atẹko amonẹ
5. Na lo t’uche Urewa Ukwu Jisọs
Ichẹñwu k’ẹ tene ma alu ki Jisọs chanẹ Ujẹñwu Ọkpanẹ Ondu, gba Luku 22:14, 19, 20. Ubilẹ, mẹ ch’oluka oji am’ene-i:
Abu ma che Ujẹñwu Ọkpanẹ Ondu le?
Ẹñwu akala kpai omi ago lẹ koji-wñ?—G’ọgba 19 kpai 20.
Jisọs atene k’amakọchẹ-wñ ki na ch’urewa ukwu-wñ ef’adako ọdọ duu. Todulẹ, Amẹnibenu Jihofa ajọ dama adako ọdọ duu ku ma ch’urewa lẹ dabalu ki Jisọs d’ọda ñwu tẹ. K’ẹ neke kọchẹ lugbo ujeju ogbogaga ki dẹ, g’IFIDIO-i. Ubilẹ, mẹ ch’oluka oji ene-i.
Abu ma ach’Urewa Ukwu Jisọs le?
I che n’ẹñwu k’akala kpai omi ago koji-wñ. Akala lẹ koji añọla Jisọs ki chẹ jọkpa, ki du ch’ele todu wa. Omi ago lẹ koji ẹbiẹ-wñ
ABO KA KAKINI: “E-ka kp’alu kate kaki ẹ kẹdọno Jisọs ofofo, ẹ f’ujadu nẹ mẹ.”
Abu ẹ neke du Jọn 3:16 kpai Jemis 2:17 ña kaki onẹ dukpẹ ki che tabalẹ le taki neke n’ujadu?
ẸY’ỌLA UKỌ-I
A du tejugede kaki ẹñwu ki Jisọs che ñwu wa che w’uwa eju ichẹñwu k’a kẹdọno k’a la aw’uche Urewa ukwu-wñ.
Ẹñwu ẹ kọchẹ?
Abu a neke du ña kaki a kẹdọnọ Jisọs?
Abu ẹ tene k’ẹ du ña kaki ẹñwu ki Jihofa kpai Jisọs che ñwẹ che w’ẹ eju?
Ẹñwu chi ki chẹñwu ogbogaga k’a w’Urewa Ukwu Jisọs?
KỌCHẸ MANYU
Ẹñwu ukwu Kraist ad’ẹ ẹdọ kwanẹ k’ẹ che?
Kọchẹ manyu lugbo ukẹdọno kpai alu k’a neke du ña kaki a kẹdọno.
“Du Na Kaki Ẹ Kẹdọno Amugbalutanẹ Jihofa” (Ọdọgọ Ide, October 2016)
Efu ọhiala k’oji ñwu che “Ọwọ Mi Chẹ Fẹ Abajọ-i, U La Ajura Ọlai Mi,” g’alu k’ọlai onobulẹ ka rida alu ki li ile ki neke nẹ kwefu ukwu Jisọs Kraist.
G’ẹñwu ki chi ki ch’amonẹ ree aj’akala ku ma añọ ñm’omi ago Urewa Ukwu Jisọs.