Ọla Uchanẹ Ukpẹ 10

Jihofa ch’Onu am’onu duu. Kw’abakwanẹ owñ n’ọda ẹñwu duu, owñ la an’ọda ẹñwu duu t’ogbegbelẹ ny’ilẹ wa. Dab’ujiwe, Jihofa d’ide Jẹrẹmaya kwef’ọwọ ukwu. I gba Shedrak, Mishak kpai Abẹdnigo tanẹ kwef’ọgọ una. I la ñọ jadu Daniẹl kwef’ọwọ am’idu. Jihofa d’ide Ẹsta onugo ki neke jadu abo Israẹl. E-i jẹñwu wa ma jali kaki Jihofa akw’ọna amonẹ ku ma na ch’alachi alo ogbegbelẹ n. Jihofa d’anẹ ego lugbo ojibo lile kpai oli ki nana otemeje ka k’achẹ lugbo ẹñwu ki anya che. Achẹ lẹ jẹñwu wa n’ukẹdọno kaki Ojanẹ Ọjọ ad’ukpoji wa ñwu ẹbiẹnẹ duu, owñ la an’ọgbọ ilẹ-i le.