Ọla Uchanẹ Ukpẹ 6

Ẹgba k’abo Israẹl wef’Anẹ ugbo ki Jihofa Gbalu ñwu ma, uña ugwugwu Jihofa mudi ugwẹta arẹ ochochi. Am’atama akọ amonẹ Ọl’ọda Jihofa, amakajọ la adeju t’amonẹ ki d’ojanẹ lẹ. Ukpẹ kidẹ-i ad’ujiwe lugbo alu k’ẹñwu k’amonẹ akpibe ku ma che kpai uche ma neke n’ọwọ nẹ ọla amonẹ. Ẹnẹnẹnẹnẹ abo Israẹl che n’udu ku ma achi ñwu Jihofa kpai abomunẹ. Kọla oji ọwọ k’uche Debora, Naomi, Joshua, Hana, ọma onobulẹ Jẹfta kpai Samuẹl nẹ ọla ab’ewo ma. Ñọ kọla jalii lugbo alu k’abo ku ma ma ch’abo Israẹl n, dabi Rahab, Rutu, Jeẹl, kpai abo Gibiọn f’ibe ma kpẹ ku ma t’abo Israẹl ubi todu ku ma ma kak Ọjọ dẹ kp’abo Israẹl.