Ọla Uchanẹ Ukpẹ 5

Ochu meji ubi k’abo Israẹl daba Ohimini Ekpikpa, ma lewa Uwo Sainai. Ọmọ lẹ Jihofa kpalo kp’abo Israẹl ku ma ch’abo-wñ. I dejutẹ ma, i la d’amẹñwu ekwu duu ki dukpẹ ñwu ma. Jihofa di mana ñwu ma ku ma jẹ, afẹ ku ma nẹ ọla gbo n, ugbo ku ma gwugwu la n’okpo echi n. Ichẹñwu k’ẹ ch’ata abẹk iye, ch’atẹko amọma wẹ ku ma ma ẹtẹ ki chi ki Jihofa d’Ọda tẹ ñwu abo Israẹl, ki d’unyiabo e-arẹ ñwu ma ki la d’abo ka t’uña atama. Ka aka ñọ ka ẹñwu ki chi ki nyọ k’onẹ ki we r’alu da, k’onẹ ki na hiọla wanẹ kpai egwọnyu Jihofa kpaka ef’ẹñwu duu.