Ọla Uchanẹ Ukpẹ 11

Ef’ukpẹ ki dẹ, a nya kọchẹ lugbo ukpẹ Baibul ku ma kọ alu ichi Grik, (ku ma añọ dọ Alo Etitọ) ki chanẹ kwef ọtakada Matiu ati Ọla Ebitẹ. Ma bi Jisọs ef’akwọra unyi kekele ka ku ma ma gbeju n’ọkọ n, ku ma la ahiọla-wanẹ. Ma la dodo ef’ewo kekele ka. Jisọs na ch’ukọlọ kp’ata-wñ ki ch’ikapita. Jisọs la ch’ẹnẹ ki anya jadu abo ilẹ chakaa-i. Jihofa la f’u chi ki j’Onu ef’Ọfẹ-wñ efojale mẹ. Ichẹñwu k’ẹ ch’ata abẹk iye, ch’atẹko ọma-wẹ ki li ọna ki Jihofa d’ẹdọ wanẹ chi akwọra unyi kpai ogbegbele ugbo ku ma anẹ Jisọs. Ñọ dejug’ọna ki Jihofa dide Jisọs kwef ọwọ Hẹrọd ki atene du kpa kpai alu k’ẹñwu duu ma neke kp’ọna nyu Jihofa echẹñwu duu ki atene n. Kọchẹ lugbo alu ki Jihofa chi Jọn ki f’ọna ñwọche tanẹ anede Jisọs. Ñọ ch’atẹko ọma-wẹ ki li jalii alu ki Jisọs du tejudege le kw’ẹgba ki ch’imọtọ kak i afẹdọ ukọ kp’ọda ki kwugbo Jihofa nyọnyọ.