Ma R’ẹrẹ Ubi Ñwu Jihofa

Adiko ẹgba k’abo Israẹl def’ajẹtachi, Kora, Detan, Abiram manyu abokẹlẹ Israẹl onẹ ọgwọkọ ny’ooje [250] kwanẹ tu Mosis ọla. Ma ka ñwu kakini: ‘E-mẹ ki nyọ ke! Ẹñwu chi ki ch’uwẹ ach’agboji wa ki la ch’Erọn ach’agboji amatama? Jihofa d’ugbo ọgbọ wa, i ch’uwẹ kp’Erọn kate n.’ Ẹdọ Jihofa bọ r’ọla ku ma ka-i n. I li kakini owñ ma ar’ẹrẹ ubi ñwu-i!

Mosis ka ñwu Kora kp’ọgbọ abo ki ko many’ọla kakini: ‘Ọna mẹ w’efu unyiabo, ku mẹ f’una nẹ ny’efu anade ku mẹ la k’ẹñwu ki akpo n’oji-wñ wa. Jihofa ana d’ẹnẹ ki chi ña.’

Ọjọñwa-wñ, Kora kp’abokẹlẹ onẹ ọgwọkọ ny’ooje [250] w’ugbo Mosis ef’unyiabo. Ọmọ lẹ ma gw’otulale jo dabu amatama. Jihofa ka ñwu Mosis kpai Erọn kakini: ‘Mẹ m’ọla mẹ ko kwugbo Kora kp’abo-wñ.’

Kora le t’ugbo Mosis ugbo unyiabo e-arẹ, ama Detan kpai Abiram manyu abo akwọra unyi-ma kọ le. Jihofa ka ñwu abo Israẹl ku ma we tẹmẹru unyi Kora, Detan kpai Abiram. Ẹrẹrẹ lẹ abo Israẹl la kw’ọmọ. Detan, Abiram, kpai abo akwọra unyi-ma dago ọgba unyiabo ma. Ẹrẹrẹ lẹ anẹ mu kpẹr’eji, i la m’ọgbọ ma ko mi! Ef’unyiabo e-arẹ, una kw’ojale wa gwi Kora kp’abokẹlẹ onẹ ọgwọkọ ny’ooje [250] lẹ jo.

Jihofa ka ñwu Mosis kakini: ‘M’ọkpa amagboji abo Israẹl gba, k’ẹ la f’odu ẹnẹnẹnẹnẹ kọ ny’ọla ọkpa e-wñ. Ẹ ki la f’odu Erọn kọ t’ọla ọkpa abo Lifai. Ẹ ki la m’ọkpa lẹ ko j’ef unyiabo e-arẹ, ododo atu oji ọkpa e-ẹnẹ k’omi chi.’

Ọjọ ẹkeji, Mosis m’amọkpa lẹ ko wa ñ’amagboji. Ọkpa e-Erọn la f’ododo, ẹro almond la kpa j’ọla-wñ. E-lẹ du ña kaki Erọn oñ Jihofa chi ki ch’agboji amatama.