Atulubọ Mẹfa Ki Rọno

Mosis kpai Erọn lo na j’uchẹ ki Jihofa kpẹ ma ru Fero kakini: ‘Ichẹñwu k’ẹ ma jẹñwu abo-mi lo n, na kp’amachichi ny’ojanẹ mẹ.’ Unyi abo Ijipt duu chẹkọ ñwu amachichi, t’anana ma kp’amẹnẹ ale ma. Ojanẹ ma gbaa chẹkọ ñwu amachichi. Ama, anẹ Goshẹn ugbo k’abo Israẹl dẹ chẹ datẹ ojoji, amachichi la d’ọmọ n. Chanẹ kw’atulubọ ẹkẹlẹ-i, abo Ijipt kate atulubọ-i kẹrẹbọ ma. Fero kakini: ‘Ch’ologwu bọ Jihofa ki m’amachichi-i ko kwo.’ Ama, alu ki Jihofa m’amachichi lẹ ko kwo, Fero r’ibe-wñ da n. Fero agb’ufẹti ku ma tẹta du ñwu?

Jihofa kakini: ‘Ichẹñwu ki Fero ma jẹñwu abo-mi ki lo n, amẹñwọrẹ ma ana ch’ọga ma la akwu rinyọ.’ Ọjọ ẹkeji, amẹñwọrẹ ma chanẹ ekwu rinyọ. Ama, amẹñwọrẹ abo Israẹl duu la kwu n. Tabalẹ ẹdọ Fero dọmọ agbiti manyu, i kọ ejẹñwu abo Israẹl ki lo.

Ubilẹ, Jihofa ka ñwu Mosis ki dabi t’ugbo Fero ki b’elulu ki la fu fia r’efu afu. Elulu lẹ la mu d’ebutu ki akwu b’anẹ Ijipti duu ma. Ebutu lẹ la mu d’ikete j’añọla ma kp’amẹñwọrẹ abo Ijipt chakaa. T’ọgbọ ẹñwu duu ki wa che-i, Fero kọ ejẹñwu abo Israẹl ku ma lo.

Jihofa kpẹ Mosis dabi t’ugbo Fero ki lo na j’uchẹ-wñ ru kakini: ‘Ẹ kọ ejẹñwu abo mi ku ma lo taa? Ọna, na jẹñwu okwuta ọmọjọcha ki lọ b’anẹ Ijipt ma.’ Ọjọ ẹkeji, Jihofa jẹñwu okwuta ọmọjọcha, akpabana kp’una ki lọ b’ojanẹ Ijipt ma. Ẹgọ afu lile lẹ ju anẹ Ijipt ma ma ta n. I f’amẹñwu duu ku ma gbẹ kpai am’oli duu ki d’oko ma kpanya rinyọ, amaa amẹñwu-i duu che anẹ Goshẹn n. Ubilẹ, Fero kakini: ‘Ch’ologwu bọ Jihofa ki f’ọwọ no! Ubilẹ, mẹ neke na lo.’ Ama, ubi ki jihofa jẹñwu okwuta ọmọjọcha lẹ ki da, Fero dabi ñọ m’ibe-wñ rida gẹ.

Taki Mosis kakini: ‘Am’imiejo ki dabu akpachi ana j’amẹñwu ku mẹ gbẹ oko-mẹ, ek’okwuta ọmọjọcha kpabiẹ rinyọ ki bọ.’ Am’imiejo ki ma n’aluka n, f’amẹñwu oko ma duu kpabiẹ rinyọ kpai am’e-ki d’oji oli. Oñ Fero kakini: ‘Ch’olugwu bọ Jihofa ki jẹñwu am’imiejo lẹ ki kw’oji anẹ wa.’ Ubi ki Jihofa jẹñwu am’imiejo lẹ ki kw’ojanẹ ma, ẹdọ enọ jẹñwu Fero ki jẹ ni kpọ.

Jihofa ka ñwu Mosis kakini: ‘F’ọwọ-wẹ nadala ny’atẹ.’ Ẹrẹrẹ lẹ, ẹchubi b’anẹ Ijipt ma chakaa. Abo Ijipt la li ẹnẹ duu abẹk ẹñwu duu ọjọ mẹta n. Abo Israẹl kate n’uganẹ unyi ma-i.

Tak Fero ka ñwu Mosis kakini: ‘Uwẹ kp’abo wẹ neke lo. Ama, mẹ t’amẹñwọrẹ mẹ nọ j’emi.’ Oñ Mosis ka ñwu kakini: ‘I dukpẹ k’a k’amẹñwọrẹ wa lo todu k’a neke du r’Ọjọ wa.’ Ẹdọ Fero mu kpabiẹ nana. Oñ i kpogwu kakini: ‘Kwo b’umi tẹ! Ichẹñwu ku dabi f’ẹ li ekwu ẹ kwu.’