Ọdọgọ Bebẹl

Ubi uwobi omi lẹ, amọma Noa kpai am’ọya-ma bi amọma wewe. Akwọra unyi ma chanẹ enana, ma la chanẹ egbanẹ ny’ọwọ dabalu ki Jihofa ka ñwu ma ku ma che.

Ama abo ka gb’omu Jihofa gbọ n. Ma kakini: ‘Mẹ lewa k’a f’ewo kọ k’a jọ emi. A f’ọdọgọ kọ ki le gbogbo tefu ojale k’amonẹ ki f’odu-wa ma.’

Ẹdọ Jihofa bọ r’ẹñwu k’abo-i ache n, oñ i f’ibe kpẹ ku ma f’ọwọ no. Ẹ che ma alu ki che le? I jẹñwu ma chanẹ ek’ichi ojoji ojoji. Alu ku ma ma neke gb’ichi ọla-ma gẹ n, ma t’ukọlọ lẹ nọ eche. Odu ewo ku ma chanẹ ekọ le mudi Bebẹl, ofe-wñ la che “Egwuji.” Amonẹ chanẹ elo tugbo wewe anẹ ilẹ nya dodo. Ama, ma dọmọ ach’ẹbiẹnẹ ugbo titọ ojoji ojoji ku ma alo. I n’ẹnẹ ki dọmọ ki afẹdọ Jihofa taa? A nya li ef oji-ọla ki rọno e-i.