Oja ọlẹ ká iSolomọn da wẹ mẹ ang ọlẹ kọ ka họ ta ọnchẹ nya iJihova myị́ jẹ. Ọ ka ju ka ẹpwụ nya ọhọbịrị ọtụka-ọtụka juwa kụ irya nyori ang myị́ ang nyị họ “ahyaahị-ahyaahị” myị́. Lee ọ ka ya myị́ nyori, “Ọ họ la ọ-ya ahị me ka ịnyị.” Ma, kori kọ kụ irya ju ẹla ọlẹ kọ họ, ọ ka yẹ nyori ọ hu ẹta-ẹdịyẹ ịhyẹ kị pwoku ka ene kọ wẹẹ ju ka ẹpwụ nya ọhọbịrị. Ẹta-ẹdịyẹ ịịwa ka ri ogu ọtịpyọ, ụya ọyaya ịlẹ kị pwoku ka, lee ọ-kaa ka ẹga ọlẹ kọ há ha ọngịnyị nya ịKịrayịsị ka—a-achịng lee ẹ-ẹpwụ nya intanẹtị. Ọhẹka ọ dọmwụ hwabwọ la abwọ ọrịrị, ịBayịbụụ ọwawa, ọjịra-jịra ọ-kaka, lee ẹrụ ọnyịịla ọ-kpa pyẹ lẹ. Lala okolobya ọlẹ kị ya ẹla rụ ụ-ụpwụ nya Etu, ọhẹka ịhọbịrị nyamwụ á ka ri ẹla ọ-gụ ọngịnyị họ “ahyaahị-ahyaahị” kpịraka ka myị́. Oja ọwẹ tị́ mẹ ẹlịyẹ jẹ́ẹhị? Ọ́-ọhọbịrị kem ahị ka cheji ba hi ka, ahị ka cheji ba hi ẹta-ẹdịyẹ ịlẹ kị kaa kpa ọngịnyị juka ẹpwụ nya ọhọbịrị ịnyịnyị. ISolomọn họ ká ẹlẹwẹ la gede-gede ụka kọ ja oja ọwẹ kpá.—Mat. 5:29, 30. w24.07 16 ¶10-11

Ịyẹ à tị́ ri ụdụ ọlịnya ọwẹ? O ri ụkụrwọ nya ẹrụ ọnyịịla nya Ịpyị-Adịrahụ ọ-kpa pyẹ ọlẹ kọ kaa chị ọhịhị da. (2 Kọr. 4:1) Ịyẹ à tị́ ri ẹja ibene-bene? Ị ku ọmwakpa nya anchẹ nya Ohe ịlẹ kị kaa kpa ẹrụ ọnyịịla ka ya je angịkịla. Lụka nya ịPọlụ anyị, alọhị kaa ya ang i-ju apyobwuna lala ang oriri, ere, bala okpoko ju ẹ-ẹpwụ nya ọta ọpyị kpa ka anyị. Ụ-ụgbẹyị ọlịnyị-ịnyị iJihova à ya ẹrụ ọnyịịla juhi ụ-ụbwọ lẹ. Bwula ụbwọ ọdada nya iJihova, ahị ka yé ọngịrị ọlẹ kahị baba nyọka kịnyaa la ẹrụ ọnyịịla ọ-kpa pyẹ. Ụka ọhẹ, ahị ka juhi nya ọngịnyị ehe lee o-juhi nyori angịnyị á ka myị ke ụrụ ka myị́. Ányị ahị tị́ ka bwu kụrụ uhi ọwẹ? Kpịtịya nya abwọ ọrịrị nya alẹrụ nya iJisọsị ụka kị byaa nyị ba la o-ya ẹla nya Ohe. Ọkọkọ kị ka juhi nyaa, ị bịlẹ iJihova kọ ka ya ọngịrị ọ-kpa ya ẹla myị́ la uhi ojuju-ka haa. IJihova tị wẹ abwọ ọrịrị nyaa ahyaahị ịnyịnyị. (Ụkụr. 4:18, 29, 31) Kori ka kaa juhi nya angịnyị ehe ụka ọhẹ, bịlẹ iJihova kọ dang ụbwọ chajị ká ọháha ọlẹ ká la ẹ-ẹga nya angịnyị ehe ka kụrụ uhihi nyaa ọlẹpwụ nyang. w24.04 16 ¶8-9

Ọháha ọlẹ kahị la ẹ-ẹga nya iJihova à dudu kahị kaa chị ịgọgọ ju ẹnyị nyamwụ lẹ. Ahị tịtọ nyọka ya je angịnyị nyori ịnịịkịla ịlẹ ká Olegu Onyobyi me ba iJihova á ri ẹlịlẹhị ka. (Ọmwụ. 3:1-5; Job. 2:4; Jọn. 8:44) Ụka kahị ja kpa ẹrụ ọnyịịla pyẹ, ọ kaa háahị nyọka ya je ọngọ myị́ ọng ọlẹ kọ ka myi-ị ke ụrụ, ụma nya ọngọlẹ ká Ohe ri bala abwẹla ịlẹ kọ la. Ahị tịtọ ká angịnyị wuu ka jẹ́ nyori abwẹla nyamwụ ọlẹ kọ gụgụ wuu à ri ọháha ẹẹ, nyori eji ọkpakpa nyamwụ la kpẹẹkpẹẹ bala ọ-la kpakpa, bala o-ri Ịpyị-Adịrahụ nyamwụ ja ka chị akama nyahị eju bala ọ-ka kpa okpunyi bala ọkẹkẹnị wẹ angịnyị ehe wuu. (Eje. 37:10, 11, 29; 1 Jọn. 4:8) Ụka kahị ya ẹla ọnyịịla u-uhye nya ẹnyị nya iJihova ẹ-ẹpwụ nya ẹrụ ọnyịịla ọ-kpa pyẹ nyahị, ahị wẹẹ chị ịgọgọ ju ẹnyị nyamwụ. Ahị tị ka chị ọkẹkẹnị ịnyịnyị chajị ahị wẹẹ họ ang ọlẹ kahị baba nyọka họ lala ọlibeenu nya iJihova. w24.05 18 ¶12