“Ha Na-agbaso Ọzụzụ Okpukpe Ha”

OTU nwanyị sitere Miami, Florida, U.S.A., zijeere otu akwụkwọ akụkọ obodo ahụ akwụkwọ ozi a na-esonụ: “Na Dec. 10 e zunaara nwa m nwoke pọọsụ ya n’akpa uwe ya n’ahịa ọkịrịka. Ikike ịnya ụgbọala, kaadị Nlekọta Ọha, na ihe ndị ọzọ, tinyekwara $260 dị n’ime ya.

“Mgbe ọ kọsịịrị manija banyere mfu ahụ, ọ lọtara ụlọ. Ná mmalite uhuruchi o nwetara òkù telifon sitere n’aka otu nwanyị na-asụ Spanish onye, ebe onye [telifon] na-atapịara ya okwu, gwara ya na ya achọtawo pọọsụ ya.

“Nwanyị ahụ nyere ya adres ya. . . . Nwanyị ahụ nyere ya pọọsụ ahụ, n’enweghị ihe furu na ya, tinyere $260 ahụ.

“Nwanyị ahụ hụrụ mgbe onye ohi ahụ mịịrị pọọsụ ahụ wee tie mkpu. Onye ohi ahụ tụsara pọọsụ ahụ wee gbaa ọsọ. Ka ọ na-erule oge ahụ, nwa m nwoke apụwo n’anya ya, ya mere o welara pọọsụ ahụ ụlọ ma kpọọ ya.

“Nwanyị ahụ na ezinụlọ ya bụ Ndịàmà Jehova. O doro anya na ha na-agbaso ọzụzụ okpukpe ha.”

Ndịàmà Jehova adịghị akwụwa aka ọtọ iji nata otuto n’ọnụ ndị mmadụ. (Ndị Efesọs 6:7) Kama nke ahụ, ha na-achọsi ike iwetara Nna ha nke eluigwe, bụ́ Jehova otuto. (1 Ndị Kọrint 10:31) Ịhụnanya ha maka Chineke na maka ndị agbata obi na-akpali ha ịkpọsa “ozi ọma” ahụ banyere Alaeze Chineke. (Matiu 24:14) Site n’Alaeze ahụ, Chineke na-ekwe nkwa ime ka ụwa ghọọ paradaịs mara mma. Mgbe ahụ ụwa ga-abụ ọ bụghị nanị ebe nkịtị mara mma kamakwa ebe a ga-enwe omume magburu onwe ya nke ịkwụwa aka ọtọ ga-adị ruo mgbe ebighị ebi.—Ndị Hibru 13:18; 2 Pita 3:13.