Cheta Ịna-etinye Ndị Kraịst A Na-akpagbu n’Ekpere

Baịbụl buru amụma na Setan ga na-akpagbu anyị iji mee ka anyị kwụsị ijere Chineke ozi. (Jọn 15:20; Mkpu. 12:17) Olee otú anyị nwere ike isi nyere ụmụnna anyị ndị a na-akpagbu ná mba ọzọ aka? Anyị nwere ike ịna-etinye ha n’ekpere. “Ekpere nke onye ezi omume na-ekpesi ike dị ike nke ukwuu mgbe ọ na-akpa ike.”—Jems 5:16.

Olee ihe anyị nwere ike ikpe n’ekpere? Anyị nwere ike ịrịọ Jehova ka o mee ka ụmụnna anyị kata obi ma ghara ịtụ ụjọ. (Aịza. 41:10-13) Anyị nwekwara ike ịrịọ Jehova ka o mee ka ndị ọchịchị ghara inye anyị nsogbu n’oziọma anyị na-ekwusa, “ka anyị wee na-ebi ndụ dị nwayọọ na nke dị jụụ.”—1 Tim. 2:1, 2.

Mgbe a na-akpagbu Pọl na Pita, Ndị Kraịst oge mbụ kpọrọ ha aha n’ekpere ha ma rịọ Jehova ka o nyere ha aka. (Ọrụ 12:5; Rom 15:30, 31) Ọ bụrụgodị na anyị amaghị aha ụmụnna anyị niile a na-akpagbu n’ebe dị iche iche n’ụwa, ka anyị gbalịa kpọọ aha ọgbakọ ha, obodo ha, ma ọ bụ mpaghara ebe ha bi n’ekpere anyị.

Dee aha obodo ebe ndị a na-akpagbu ụmụnna anyị, ka i nwee ike itinye ha n’ekpere: