Otú Ha Si Eguzogide Nrụgide Ndị Ọgbọ

ỌCHỊCHỌ nke ịbụ ndị a nakweere na-eme ka ọtụtụ ndị na-eme ihe n’ụzọ kwekọrọ n’echiche na n’omume nke ndị ọgbọ ha. Ikike nke ịjụ omume ndị na-emerụ ahụ, dị ka ịṅụ ọgwụ ọjọọ na mmekọahụ rụrụ arụ, dị ndị na-eto eto mkpa karịsịa. Hà pụrụ isi aṅaa guzogide nrụgide ndị ọgbọ?

Ụmụ agbọghọ abụọ dị afọ iri na ụma bụ́ ndị nọ na Poland dere, sị: “A na-ahụ mmụọ nke ụwa nke ọma n’etiti ọtụtụ n’ime ndị ọgbọ anyị. Ha na-aghọ aghụghọ n’ule ha, na-eji okwu rere ure eme ihe, na-eyikarị uwe na-ewu ewu, na-akpọkarịkwa egwú a na-achịkwaghị achịkwa na nke rụrụ arụ. Lee obi ụtọ anyị nwere inwe isiokwu ndị a na-ede banyere anyị bụ́ ndị na-eto eto, ndị na-echebekwa anyị pụọ ná mmetụta nke ndị nọ n’afọ iri na ụma bụ́ ndị na-adịghị enwe afọ ojuju ma na-enupụ isi!

“Ọnụ apụghị ikwupụta ekele anyị na-enwe maka isiokwu Ụlọ Nche ndị kụbaworo n’ime obi anyị na anyị dị mkpa dị ka ndị na-eto eto ma bụrụ ndị e ji kpọrọ ihe. Ndụmọdụ Bible ndị anyị nwetaworo enyeworo anyị aka iduzi nzọụkwụ anyị nke ọma iji wee nọgide na-eme Jehova Chineke obi ụtọ. Anyị kwenyesiri ike na iji ikwesị ntụkwasị obi na-ejere Jehova ozi bụ ụzọ ndụ kasị mma.”

Ee, ndị na-eto eto pụrụ iguzogide nrụgide ndị ọgbọ. Site n’ịzụ “[ike] nghọta” ha, ndị ntorobịa bụ́ ndị Kraịst na-amụta ime mkpebi ndị amamihe dị na ha bụ́ ndị na-adịghị egosipụta “mmụọ nke ụwa,” kama, “Mmụọ Nke sitere na Chineke.”—Ndị Hibru 5:14; 1 Ndị Kọrint 2:12.