Ezi Àgwà Eweta Otuto

AKWỤKWỌ akụkọ Itali bụ́ La Gazzetta del Mezzogiorno jara Ndịàmà Jehova mma maka ibipụta isiokwu bụ́ “Matera—Obodo nke Ọ́gbà Bụ́ Ebe Obibi Ndị Pụrụ Iche.” Isiokwu a pụtara ná mbipụta magazin Teta! nke July 8, 1997 (Bekee), nke nwere nkesa sara mbara n’ọtụtụ asụsụ. A na-asụgharị Teta! ugbu a gaa n’asụsụ 81, o nwekwara nkesa nke ihe karịrị nde 19 gburugburu ụwa. Akwụkwọ akụkọ ahụ kwuru na Teta! mere ihe akụkọ ọkaibe nke oge okpomọkụ “ma a bịa n’ihe banyere ime mkpọsa iji kwalite ihe nketa nke akụkọ ihe mere eme na nkà nke obodo ahụ [Matera].”

Akwụkwọ akụkọ ahụ toro Ndịàmà n’ihe metụtara Mgbakọ Distrikti “Okwukwe n’Okwu Chineke” nke e nwere na Matera na 1997. Isiokwu ahụ rịbara ama na Ndịàmà gbalịrị “kpọta mmadụ 4,000 n’Ámá Egwuregwu XXI Settembre [nke obodo ahụ] n’etiti oge okpomọkụ na n’okpuru anyanwụ na-achasi ike; ha ahụwo maka mkpocha, ntegharị ágbá, na mmeziwanye bụ́ isi nke ọgbọ egwuregwu a (karịsịa ụlọ mposi) n’anaghị ego ma ọlị, na-akwụ ụgwọ mmefu maka nzụta nke ngwá ọrụ ndị dị mkpa n’onwe ha.”

Ndịàmà Jehova na-agbalị ịbụ ezi ndị agbata obi. (Matiu 22:37-39) Ha na-agbasokwa ndụmọdụ Akwụkwọ Nsọ, bụ́: “Na-ebinụ obi unu nke ọma n’etiti ndị mba ọzọ; ka ha wee site n’ọrụ ọma nile unu, nke ha na-ele anya, nye Chineke otuto n’ụbọchị nleta ahụ.”—1 Pita 2:12.