Ihe Omume Kasị Mkpa N’akụkọ Ihe Mere Eme

Gịnị mere o ji dị otú ahụ? Ihe omume ahụ bụ ọnwụ nke Jisọs Kraịst.

O jere ozi iwepụ ọkaaka Chineke n’ụta, nwapụtakwa na mmadụ pụrụ ịnọgidesi ike n’ezi ihe nye Chineke. O megheere ihe a kpọrọ mmadụ olileanya nke inweta ndụ ebighị ebi n’ọnọdụ nile nke paradaịs. Jisọs n’onwe ya guzobere ncheta nke ọnwụ ya n’abalị ahụ tupu ọ nwụọ.

Ọ bụ ememe dị mfe. Mgbe a na-eme ya, Jisọs gwara ndị na-eso ụzọ ya: “Na-emenụ nke a ka unu wee na-echeta m.” (Luk 22:​19, 20) Ị̀ ga-echeta ya? Ndịàmà Jehova na-akpọ gị òkù isonyere ha n’ime ncheta nke ihe omume nke a kasị mkpa n’akụkọ ihe mere eme. N’afọ a ụbọchị a ga-eme ya bụ Tuesday, April 6, mgbe anwụ dasịrị.

Biko gaa n’Ụlọ Nzukọ Alaeze dị gị nso iji mata maka oge na ebe a ga-eme ya kpọmkwem. A gaghị anakọ ụtụ ọ bụla, a na-akpọkwa ndị ga-abịanụ okù ka ha gere okwu izi ihe, kiriekwa usoro ememe ahụ dị mfe.