Nne nke Nwere Nghọta

Nne nke na-aghọta ma na-elebara mkpa nke ụmụ ya anya na-etinye mgbalị siri ike n’inye ha ihe oriri ndị na-edozi ahụ́. Ọ na-etinyekwa otu mgbalị ahụ n’inye ha ihe oriri ga-akwado ha n’ụzọ ime mmụọ.

N’oge na-adịbeghị anya, otu nwanyị si Brazil degaara alaka ụlọ ọrụ nke Ndịàmà Jehova dị ná mba ahụ akwụkwọ na-egosi ekele o nwere maka akwụkwọ bụ́ Gịnị Ka Chineke Na-achọ n’Aka Anyị? “Broshuọ ahụ ruru m nnọọ n’obi,” ka o dere. “Mgbe m gụrụ ihe ọmụmụ kwuru banyere omume ndị Chineke na-akwadoghị, ọ batara m n’uche ozugbo na mụ na ụmụ m—ụmụ nwanyị abụọ, ndị dị afọ 10 na afọ 11, na otu nwoke dị afọ 5—kwesịrị ikwurịta ihe ọmụma a dị mkpa.” Ọ gbakwunyere, sị: “Lee nnọọ ka o si dị mkpa inwe akwụkwọ dị otú a iji kụziere ndị ezinụlọ m ụzọ nke Chineke!”

Ọ rịọkwara ka e nyekwuo ya akwụkwọ ndị ọzọ dabeere na Bible. Ọ bụrụ na gị onwe gị chọkwara inweta ihe oriri ime mmụọ, nke gị na ezinụlọ gị ga na-eri, ị pụrụ inweta otu akwụkwọ a bụ́ Gịnị Ka Chineke Na-achọ n’Aka Anyị? site n’ịkpọtụrụ Ndịàmà Jehova nọ n’ógbè gị. Ọ bụrụ na ị ga-enwe mmasị ka mmadụ kpọtụrụ gị, biko dejupụta akụkụ a pụrụ ịdọkapụta adọkapụta dị na peeji a ma zite ya n’adres e dere na ya ma ọ bụ n’adres nke kwesịrị ekwesị e depụtara na peeji nke 5 na magazin a.

□ Biko kpọtụrụnụ m iji duziere m ọmụmụ Bible ebe obibi n’efu.