“Oké Mmehie Ihe Asaa nke Ụwa”

A NA-EKWU na Mohandas Gandhi chepụtara ndepụta nke ihe ọ kpọrọ “Oké Mmehie Ihe Asaa nke Ụwa.” Ha bụ ihe ndị na-esonụ:

• Akụ̀ na ụba n’arụghị ọrụ

• Ihe ụtọ n’enweghị akọ na uche

• Ihe ọmụma n’enweghị ezi àgwà

• Azụmahịa n’enweghị omume ọma

• Sayensị n’enweghị ọmịiko

• Ofufe n’achụghị àjà

• Ndọrọ ndọrọ ọchịchị n’enweghị ụkpụrụ

A na-ekwu na nwa nwa ya nwoke bụ́ Arun Gandhi agbakwụnyewo nke asatọ:

• Ihe ruuru mmadụ n’enweghị ibu ọrụ.

Ikekwe i nwere ike ịtụ aro ole na ole ndị ọzọ, ma o doro anya na ndepụta a na-akpata iche echiche. E jikọtara ihe ngwọta Bible nwere maka “mmehie ihe” ndị a ọnụ n’iwu abụọ: “Ị ga-ewere obi gị dum, werekwa mkpụrụ obi gị dum, werekwa uche gị dum, hụ Onyenwe anyị Chineke gị n’anya. Nke a bụ ihe ukwu na ihe mbụ e nyere n’iwu. Ihe nke abụọ nke yiri ya bụ nke a, Ị ga-ahụ onye agbata obi gị n’anya dị ka onwe gị. Iwu dum, na ndị amụma Chineke, na-ekokwasị n’ihe abụọ ndị a e nyere n’iwu.”—Matiu 22:37-40.

[Foto dị na peeji nke 20]

UPI/Corbis-Bettmann