Ngan nan Bibliya Para i Heʹa?

NGAY KALYON DI BIBLIYA

“Am-in [nadan Kasuratan ya] impitudok Apu Dios.”​—2 Timothy 3:16, Nan Kalin Apu Dios.

NGAY IBODDANG NA NU PATIYOM

Makapnek an sungbat nadan damdamagon tauh biag.​—Proverbs 2:1-5.

Pundinolan nah ato-aton hi kabiga-bigat.​—Psalms 119:105.

Nahamad an namnama hi pidwana.​—Romans 15:4.

ON IMMANNUNG NAN IBAGBAGAN DI BIBLIYA?

Om, gapu nah tulun rason:

• Kaskasdaaw an nun-uunnudan. Nan Bibliya ya intudok di umeh 40 an hinnahinnatkon an tatagu hi umeh 1,600 an tawon. Kadaklan i dida ya agge da nuntitiggowan. Mu nan interon Bibliya ya nun-uunnud, ya oha lang di tema na!

• Adi munlangkak nadan nangitudok. Nadan udum an nangitudok hi pakahaphapitan di boble da ya agge da intudok nadan naapputan da. Bokon athidi nadan nangitudok hi Bibliya, ote intudok da nadan mismu an nihallaan da oya nan nibabainan di boble da.​—2 Chronicles 36:15, 16; Psalms 51:1-4.

• Naat nadan imbaga na. Namangulu mo tuwalin imbagan di Bibliya nan kapakkiyan nan boblen Babylon handi, 200 an tawon di nalaʹu ta ahi maat. (Isaiah 13:17-22) Imbaga na, bokon lang nan atonan mapaki, pati nan ngadan nan mangipangulun mun-apput hi Babylon!​—Isaiah 45:1-3.

  Dakol pay di udum an imbagan di Bibliya an naat taon nadan kakittayan an detalye. Athidiy ekspektaron tau nah Hapit Maknongan.​—2 Pedro 1:21.