On Waday Gubilnun Maknongan?

NGAY KALYON DI BIBLIYA

“Nan Maknongan di langit ya mangapya hi ohan gubilnu an adi pulus mapmappaki.”​—Daniel 2:44, New World Translation.

“Han imbabalen lalaki ya nidat i ditau; ya nan turay oya mipah-on hi pukol na.”​—Isaiah 9:6.

NGAY IBODDANG NA NU PATIYOM

• Han maphod an gubilnu an bumoddang i heʹa.​—Isaiah 48:17, 18.

• Nah mangalin paraiso, waday perpekton adol ya amlong.​—Revelation 21:3, 4.

ON IMMANNUNG NAN IBAGBAGAN DI BIBLIYA?

Om, gapu nah duwan rason:

• Impatigon Jesus nu ngay aton nan Gubilnun Maknongan. Intuddun Jesus inadan mangun-unud i hiya an idasal dan umali nan Gubilnun Maknongan oya maat nan pinhod Maknongan hituh luta. (Mateo 6:9, 10) Impatigon Jesus nu ngay aton diyen dasal an masungbatan.

  Din wahtuh luta, hi Jesus ya pinakana nadan naagangan, inagahana nadan mundogo, oya tinagu na nadan nate! (Mateo 15:29-38; Juan 11:38-44) Gapu ta hiyay mumbalin an Patul nan Gubilnun Maknongan, impatigo na nan makakkaphod an atona nadah iturayana.​—Revelation 11:15.

• Nan kasasaad di luta ya ipatigo nan gagala mon umali nan Gubilnun Maknongan. Imbagan mon tuwalin Jesus an wada niʹan di gubat, bitil, ya kolyog ota ahi umali nan Gubilnun Maknongan.​—Mateo 24:3, 7.

  Matigo tau danae an maʹmaat ad uwani. Hiya nan waday dinol tau an gagala mon poppogon di Gubilnun Maknongan am-in an problema.