Ngay Maat nin hi Pidwana?

NGAY KALYON DI BIBLIYA

‘Hi Apu Dios ya . . . maʹidona moy ligat, maid moy dogo, maid moy mahakit, maid moy kate, adi u-umyung di tatagu, ya maid moy humlun hi eda kog-an te mahannotan mon am-in nadan wada handi.’​—Revelation 21:3, 4, Nan Kalin Apu Dios.

NGAY IBODDANG NA NU PATIYOM

Makakkaphod an ngunu an mangdat hi amlong.​—Isaiah 65:21-23.

Maid moy dogo onu ngandiye man an ligat.​—Isaiah 25:8; 33:24.

Maphod oya munnananong an biag an kadway pamilya ya gagayyum.​—Psalms 37:11, 29.

ON IMMANNUNG NAN IBAGBAGAN DI BIBLIYA?

Om, gapu nah duwan rason:

• Kayan Maknongan an aton nan imbaga na. Nah Bibliya, hi Maknongan an hi Jehovah lang di nangadanan hi “Apu Dios an Kabaelanan am-in,” ote maid ha poppog di kabaelana. (Revelation 15:3) Hiya nan kayang-kaya nan aton nan imbaga na an paphodonay luta. Umat nah kalyon di Bibliya, ‘hi Apu Dios ya kabaelanan aton am-in.’​—Mateo 19:26.

• Pinhod Maknongan an aton nan imbaga na. Kaspangarigan, hi Jehovah ya kailiw na an ibangngad di biag nadan tatagun nungkate.​—Job 14:14, 15.

  Ipatigon bon di Bibliya an hi Jesus, nan Imbabalen Maknongan, ya inagahana nadan mundogo. Nape inat nah diye? Ote pinhod na. (Marcos 1:40, 41) Perpekton ini-ngon Jesus nan personalidad Ama na. Pinhod nan boddangan nadan munhapul.​—Juan 14:9.

  Hiya nan siguradu tau an da Jehovah i Jesus ya pinhod dan boddangan ditau an mawadaan hi maphod an biag hi pidwana!​—Psalms 72:12-14; 145:16; 2 Pedro 3:9.